Македонија
Фондација Херитиџ: Итен прием на Македонија во НАТО на самитот во Лисабон
Итен прием на Македонија во НАТО Алијансата на самитот во Лисабон побара Сели МекНамара од американската конзервативна фондација „Херитиџ“ (The Heritage Foundation), со седиште во Вашингтон.
Во својот напис, посветен на претстојниот самит, МекНамара вели дека НАТО, а особено САД мора да покажат дека проширувањето е успешна приказна и поради тоа треба да продолжи. Смета дека најсоодветно тоа ќе се направи со прием на Македонија во алијансата и влез на Грузија во Акциониот План за членство.
„Одамна Македонија требаше да се приклучи во алијансата, поради тоа што земјата го исполни барањата од Акциониот план за членство во 2008-ма година и е една од најголемите придонесувачи по главна на жител во мисиите во Авганистан. НАТО треба да застане за својата политика на отворени врати и да испрати порака во новиот стратегиски концепт дека алијансата е отворена за соработка. Администрацијата на Обама самата треба да се постави како предводник на проширувањето на НАТО и прецизно да поддржи итен прием на Македонија и влез на Грузија во Акциониот План за членство“, се вели во написот на МекНамара под наслов „Стратешкиот концепт на НАТО во 2010-та: Пет бележници на успех“, објавен од страна на фондацијата.
Според неа, алијансата на претстојниот самит треба да се насочи кон пет предизвици: фер распределба на товарот меѓу членките на НАТО во заедничката одбрана, реафирмирање на принципот на заштита на своите граници, стратегија за заштита и одбрана, реафирмирање на понатамошното проширување и повторно давање примат на НАТО во безбедносната архитектура во Европа. /крај/thf/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерство за правда изрази благодарност до турските власти за екстрадицијата на Палевски
Министерството за правда изрази благодарност до турските власти за преземањето на сите неопходни мерки за екстрадицијата на Љупчо Палевски-Палчо, кој вечерва од Турција е пренесен во земјава и спроведен во истражниот затвор Шутка.
– Министерството за правда и министерот Кренар Лога изразуваат голема благодарност до турските власти, особено до министерот за правда на Република Турција, Јилмаз Тунч за нивната брза реакција и преземањето на сите мерки за екстрадиција на Љупчо Палевски. Целата постапка се спроведе во релативно краток период за неполни пет месеци. Ова е добар знак за општеството и порака дека правдата ќе ве стигне, каде и да сте, стои во објавата на Министерството за правда.
Љупчо Палевски Палчо по пет месеци стигна во затворот во Шутка откако заврши постапката за екстрадиција од Турција.
Палевски со возила без полициски ознаки пристигна во истражниот затвор Скопје затоа што во отсуство му е одредена мерка притвор.
Македонија
Палевски екстрадиран, по пет месеци, стигна во Шутка
Љупчо Палевски Палчо по пет месеци стигна во затворот во Шутка откако заврши постапката за екстрадиција од Турција.
Палевски со возила без полициски ознаки пристигна во истражниот затвор Скопје затоа што во отсуство му е одредена мерка притвор.
Претходно неговата партја Десна објави на „Фејсбук“ дека тој слетал во Скопје.
И Министерството за внатрешни работи потврди дека Палевски стигна во затворот во Шутка.
„Министерството за внатрешни работи ја известува јавноста дека денеска (15.05.2024) полициски службеници од Секторот за меѓународна полициска соработка на МВР во соработка со турската полиција го завршија процесот на екстрадиција од Република Турција на Љупчо Палевски (59) од Скопје, за кого беше распишана меѓународна потерница за истрага за кривични дела „грабнување” и “убиство“ по издадена наредба XV KO бр 3047/23 од Основното јавно обвинителство Скопје. Лицето е пренесено во КПУ Затвор Скопје“, велат од МВР.
Палевски е првоосомничен за убиството на Вања Ѓорчевска од Скопје и Панче Жежовски од Велес.
Македонија
ВМРО-ДПМНЕ: Министерството за здравство крахираше и во случајот Токсикологија
Негативната селекција и непрофесионализмот како на Клиниката за токсикологија, така и на ниво на целокупното јавно здравство во Македонија продолжуваат на штета на пациентите, велат од ВМРО-ДПМНЕ.
„Здравствените власти селектирано постапуваат по извештаи од надлежни институции,па така наместо да се разреши организациската директорка на Клиника за токсикологија за чија работа има низа забелешки, Демири го разрешува медицинскиот директор без конкретни образложенија. Прашуваме:
1. Дали организациската директорка на оваа Клиника го има ангажирано својот татко како преведувач и доколку е тоа точно, дали за овој ангажман добива надоместок и која е сумата на истиот?
2.Што презема организациската директорка Иљази за фактот што за два месеци го зголемила долгот за два милиони денари?
3.Дали воопшто доаѓа на работа организациската директорка Иљази и со кои компетенции и работно искуство доаѓа на оваа позизија?
4.Дали се точни информациите дека организациската директорка одбива да го потпише осигурувањето на опремата на Клиника за токсикологија и со самото тоа го загрозува функционирањето на клиниката како и го става на ризик животот на хоспитализираните пациенти и на вработените
Ваквото незаконие за среќа завршува. ВМРО -ДПМНЕ во Платформата 1198 се обрзува дека ќе стави крај на ваквиот дуализам и укинување на организациските директори на клиниките. Ќе воведеме мерит систем и избор по комепетнтност и способност“, велат од партијата.