Македонија
Судски Совет: Истрагата за хеликоптерската несреќа се работи совесно
Судскиот совет денеска одржа седница на која разгледуваше над 300 поплаки на граѓани за работата на судиите во Македонија. Една од поплаките беше од семејствата на војниците на АРМ кои загинаа во хеликоптерска несреќа кај катлановско Блаце
Семејствата сметаат дека истражниот судија не ја води постапката ажурно и намерно ја одолговлекува. Сомнежите за работата на судијата ги претставиле и пред претседателот на Основниот суд 1 во Скопје од кого побарале изземање на истражниот судија. Ова барање било одбиено. Семејствата се жалат дека не им било дозволено да присуствуваат на увид на предмети во хангарот каде се чуваат остатоците од урнатиот хеликоптер. Судскиот совет ја разгледал претставката и била земена изјава од истражниот судија. Во неа стоело дека предметот се работи интензивно и дека во моментов се врши вештачење во Лондон, за да се утврди причината зошто паднал хеликоптерот. За вакво вештачење во нашата држава нема стручен кадар да го заврши па затоа истото се прави во странство. Поради тоа предметот се работи подолго време. Судскиот совет реши да ги извести роднините дека судијата постапува совесно и коректно, и дека при увид на остатоците од хеликоптерот законот не му дозволил да ги пушти роднините да присуствуваат. Затоа судскиот совет и нема да поведе постапка против судијата. Во Советот пристигнале и повеќе жалби за долготрајност на постапки. Советот констатирал дека одолговлекувањето на постапките не било вина на судиите туку на администрацијата. Затоа Советот до претседателите на судовите ќе испрати препораки да се води поголема контрола за ажурноста на администрацијата и да се казнат оние кои ненавремено си ја вршат работата. Пред Советот пристигнала и една интересна и невообичаена претставка. Странка се жали дека судот многу бргу му го пресудил предметот. Се работи за случај во Апелациониот суд во Скопје на судијата Снежана Попчевска. Таа на јавноста и е позната по пресудата за случајот Раштански лозја. Во советот беше истакнато дека таа постапила брзо и ажурно, донела квалитетна одлука и дека е еден од ретките судии кои има само неколку предмети заостаток во работата. Од другите претставки, Советот расправаше и за жалба на странка дека во одреден суд по службена должност се поставувале адвокати кои биле деца на судии и анонимка од вработени во суд кои биле незадоволни од работата на раководството во судот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Утре затворени неколку улици во Скопје
Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.
Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.
Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.
Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).
Македонија
Сиљановска Давкова – Павловски: Максимално да се искористат сите можности за економски развој на земјава
Претседателката Гордана Сиљановска Давкова остварила средба со Крис Павловски, директор на водечката светска компанија за дигитални платформи Рамбл, кој е во посета на земјата во рамките на конференцијата Македонија 2025.
На средбата, како што соопшти претседателскиот кабинет, Павловски ја претставил работата на Рамбл, компанија која котира на индексот Наздак на берзата во Њујорк, со нејзината етаблирана видео платформа и е во подем во дејноста на развојот на дигиталната инфраструктура и клауд услугите.
Како водечки претприемач со македонско потекло, Павловски изнел мислења за состојбата во дигиталниот сектор, за трендовите и перспективите кои може да се искористат.
Претседателката Сиљановска Давкова го информирала Павловски за нејзината иницијатива за развивање на соработката со македонската дијаспора, со цел максимално да се искористат сите можности за економски развој на земјава.
Македонија
Кадровски промени на Водно, правникот Божинов и новинарот Момировски ќе раководат со претседателскиот кабинет
Претседателката на Македонија Гордана Сиљановска Давкова за генерален секретар на својот кабинет го именувала Ѓорѓи Божинов, пратник кој работел во Министерството за земјоделство, а за негов заменик новинарот Горан Момировски.
Од функциите се разрешени генералниот секретар Миле Бошњаковски и неговите заменици Билјана Радева и Тоше Зафиров, кои беа ангажирани во мандатот на доскорешниот претседател Стево Пендаровски.
Генералниот секретар Ѓорги Божинов е дипломиран правник со речиси тридецениско работно искуство во областа на правото во земјоделскиот сектор, законодавната и институционалната рамка, процесите на јавни набавки, корпоративно советување, програмите за финансиска поддршка, државна помош, како и примена и хармонизација на легислативата на Европската Унија во овие области.
Претходно, Божинов својата кариера во областа на правото ја остварува на раководни административни позиции во Министерството за земјоделство, шумарство и водостопанство.