Македонија
Околу илјада матуранти танцуваа против насилството
Околу илјада матуранти од средните училишта во Скопје денеска танцуваа за борба против насилството на плоштадот „Пела“.
Околу илјада матуранти од средните училишта во Скопје денеска танцуваа за борба против насилството на плоштадот „Пела“. Градоначалникот на град Скопје, Коце Трајановски ја отвори интернационална прослава „Матурска парада 2011“.„Вие матурантите со матурирањето затворате едно поглавје во книгата на животот и се надевам дека со својот младешки елан и ентузијазам успешно ќе ги совладувате новите предизвици кои ги носи современиот тек и времето во кое живеете. Рамноправно со своите врсници учествувате во еден Европски проект, во создавањето на една нова традиција“ изјави Трајановски. Матурантите пред ги започнат танците се заколнаа на заклетва против насилството. Во точно 12 часот за нов Гинисов рекорд, матурантите од Македонија, Србија, Словенија, Албанија, Хрватска и други земји, истовремено го започнаа танцот „Квадрил“ од Штраусовата опера „Лилјакот“ што се игра во четири слики: „Панталон“, „Ете“, „Пасторел“ и „Финале“ и трае вкупно осум минути. Потоа, за првпат годинава го одиграа и танцот „Салса“, за на крај прославата да заврши со забавни песни. Годинава во Македонија на оваа манифестација, покрај главниот град Скопје, учествуваа и градовите Струмица, Струга и Охрид. Во земјава Матурската парада се одржува по петти пат./крај/макфакс/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.