Македонија
Македонија прославува 21 години независност
Република Македонија денеска одбележува 21 години од независноста. Празникот, кој популарно е наречен и како 8 Септември, ја означува сувереноста, независноста и самостојноста на Македонија и македонскиот народ.
На овој ден пред 21 година, во предвечерјето на распадот на тогашна СФРЈ, се одржа референдум на кој убедливо мнозинство – 95% од граѓаните што излегоа на референдумот, позитивно одговорија на референдумско прашање: „Дали сте за самостојна Македонија со право да стапи во иден сојуз на суверени држави на Југославија“?На референдумот му претходеше Декларација за независност што првиот повеќепартиски состав на Собранието на Република Македонија ја усвоила на 25 јануари 1991 година. По затворањето на избирачките места, граѓаните спонтано се собраа на плоштадот „Македонија“ во центарот на Скопје, каде беше организирана свеченост насловена Глас за Македонија со настап на стотина естрадни ѕвезди. Централната прослава на која ќе биде одбележана 21-годишнината од независноста на Македонија ќе се одржи на арената „Филип Втори“ со голем концерт.Во продажба се пуштени 70.000 влезници по цена од 20 денари, кои можат да се набават во продавниците на „Тобако“ и „Тинекс“, а обезбеден е и бесплатен автобуски превоз до Скопје, од сите општини низ државата.Арената „Филип Втори“ ќе биде отворена три часа пред почетокот на манифестацијата, а влезот е обезбеден со бар-код. На централната прослава ќе и претходи свечена академија која ќе се одржи во Македонската опера и балет, и на која ќе учествуваат хорот и оркестарот како и солистите на оваа наша национална установа. Академијата ќе почне во 19 часот, а во 20 часот на „Филип Втори“ ќе се одржи ревија со настапи на наши познати ѕвезди од македонската естрада, во координација со Агенцијата за млади и спорт. Водител на прославата е Игор Џамбазов, а со интонирање на националната химна во 21 часот од оперскиот пејач басот Игор Дурлоски, почнува централната прослава. Потоа следи мало изненадување и спектакуларниот концерт на триото Тавитјан и концертната промоција на албумот „Македонското срце чука во 7/8“. На сцената заедно со Тавитјан ќе настапат големите македонски и балкански ѕвезди Калиопи, Каролина Гочева, Јосипа Лисац, Жељко Бебек, Хари Варошановиќ, Александра Радовиќ, Борис Новковиќ, Нина Бардиќ, Тереза Кесовија, Аки Ракимовски, Дадо Топиќ, Мики Јовановски-Џафер , ристо Самарџиев, Есма Реџепова, Влатко Лозановски и други.За овогодинешната манифестација, Владата ќе потроши 58.000 евра за осветлување, сцена, озвучување и за пропаганден материјал, а настапот на ѕвездите е овозможен од триото Тавитјан./крај/мф/ап/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нема бојкот на претседателските избори, сите што излегле на парламентарни, гласале и за претседател, уверува Даштевски
Нема бојкот на претседателските избори, сите што излегле на парламентарни, гласале и за претседател, вели претседателот на ДИК, Александар Даштевски.
„На неколку места се појавени технички проблеми, кои во меѓувреме се решаваат, таму гласањето ќе продолжи на стар начин со УВ ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, во Куманово, во Тетово и во Гази Баба.
Како што дополнува, има доставено и 15 приговори за избирачко право, и само три од нив се одбиени.
Во однос на излезноста на парламентарните избори, до 9:00 часот, по обработени податоци од 1033 изборни места, гласале 4,45%. Според податоците на ДИК, најголема излезност има во Пробиштип, а најмала излезност за парламентарните избори има во Боговиње (1,43%).
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавците не треба да извршуваат дејност со исклучок на оние каде што работните процесите поради својата природа не може да се прекинат.
Поради првиот круг од претседателските избори, неработен беше и 24 април. Според одлуката на техничката Влада, двата неработни дена нема да се одработуваат.