Регион
Кипар на Москва и' нуди банки и депозити во замена за пари
Кипарскиот министер за финансии Михалис Сарис изјави во руската престолнина Москва дека Кипар и Русија не успеале да постигнат договор за кредитот кој и’ одобрен на оваа островска земја која се наоѓа пред банкрот, пренесуваат руските медиуми, иако кипарската делегација понудила удели во своите банки и префрлање на сметките во замена за итна финансиска помош
„Разговорите беа многу добри, конструктивни и чесни. Јасно ни е колку е тешка ситуацијата. Ќе ги продолжиме преговорите за да изнајдеме решение коешто ќе ни овозможи поддршка од Русија. Ќе бидеме тука сé додека не постигнеме некаков договор”, истакна министерот за финансии на Кипар, Михалис Сарис по излегувањето од руското министерство за финансии каде што разговараше со колегата Антон Силуанов, додавајќи дека преговорите ќе продолжат на друго место, пренесува РИА Новости.
Извор близок на преговорите, рекол дека Сарис заминал на преговори со рускиот вицепремиер Игор Шувалов. Сарис, исто така, ја откажал планираната прес-конференција во амбасадата на Кипар во Москва.
Според руските медиуми, најверојатно на состанокот ќе учествуваат и челникот на руската централна банка и неговиот заменик.
Кипар побара од Русија петгодишно пролонгирање постоечкиот кредит од 2,5 милијарди евра кој истекува во 2016 година, како и намалување на каматната стапка којашто во моментов изнесува 4,5 отсто. Покрај тоа, според медиумите, Кипар бара и заем од неколку милијарди евра во замена за удел во банките и во енергетските ресурси на земјата.
Во моментов руските компании и банки ја анализираат ситуацијата на Кипар, а меѓу тамошните експерти преовладуваат прогнозите за големо повлекување на средствата од медитеранската островска земја и нивно преселување во други земји.
Во меѓувреме германската канцеларка Ангела Меркел му соопшти на кипарскиот претседател Никос Анастасиадес за време на телефонскиот разговор, дека неговата земја треба да преговара само со „тројката” потенцијални меѓународни кредитори (Европската комисија, Европската централна банка и Меѓународниот монетарен фонд). Германскиот министер за финансии Волфганг Шојбле, по одбивањето на кипарскиот парламент да го изгласа еднократното оданочување на банкарските депозити од 6,75 отсто за износи до 100 илјади евра и од 9,9 отсто над таа сума, изјави дека „кипарските банки може воопшто никогаш да не отворат”.
Во таквата атмосфера во Москва, започнаа разговорите меѓу кипарскиот министер за финансии, Михалис Сарис и шефот на руското министерство за финансии Антон Силуанов, во кои учество земаат и претставници на агенциите за енергетика и банкари од двете земји.
Официјално кипарската делегација ќе разговара за условите за продолжување на рускиот кредит од 2,5 милијарди евра, меѓутоа The Wall Street Journal тврди, повикувајќи се на свои извори, дека во игра е предлогот за замена на кипарските активи за руска финансиска помош, како и дека руските енергетски гиганти „Газпром” и НОВАТЕК, коишто претходно не можеа да добијат пристап до кипарските депозити, не се вклучени во преговорите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Мажот ја навредувал и изневерувал“ – Обвинителството во Албанија со детали за мајката што скокна во река со своите деца
Обвинителството на Основниот суд од општа надлежност во Скадар во комуникација до медиумите изнесе повеќе детали за трагедијата во семејството Арази во албанскиот град Скадар, каде досега се пронајдени телата на две деца, додека потрагата по телото на мајката и третото дете продолжува.
„До оваа фаза се утврдени сомнежи врз основа на докази дека државјанин Е.А., како последица на континуирано психичко насилство врз неговата сопруга, манифестирано во форма на континуирани навреди и прељуба, тешко нарушувајќи го нејзиното достоинство, го предизвикал самоубиството на А.А., за која се сомнева дека во тешка психичка состојба, се фрлила во реката заедно со трите малолетни деца“, се вели во соопштението на Обвинителството.
Алма Арази (39) со трите деца скокна во студената река.
Телото на најстарото девојче било пронајдено вчера во реката, додека телото на второто денеска.
Во потрагата учествува и рибарот кој вчера пронашол едно од девојчињата и кој рекол дека потрагата е многу комплицирана.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Новинарот на „Еуроњуз Албанија“ рече дека за време на сведочењето дадено во полиција, 39-годишниот сопруг Ергис Арази се појавил многу ладен за време на испрашувањето, не покажал никакви емоции и ги отфрлил обвинувањата дека ја малтретирал сопругата или другите деца.
Тој рече дека парот бил во стабилна економска ситуација, претходно живеел во Италија и Германија, а неодамна се преселил во Скадар.
Арази, откако неговото семејство било пријавено за исчезнато, два дена подоцна бил виден во кафуле со пријателите и наводно воопшто не бил вознемирен, наведува „Voxnews.al“, повикувајќи се на изјавите на неговите пријатели.
Како што рекоа, тој бил сосема мирен.
Семејството на Ергис тврди дека тој никогаш не би им наштетил. Тие тврдат дека парот имал проблеми меѓу себе, но дека Ергис Арази не бил насилник.
„Ги обожаваше децата. Тој никогаш не би им наштетил. Работеше цел ден во сервис за мобилни телефони за да ги испрати во приватно училиште. Можеби имал проблеми со сопругата, но таа никогаш не требало да им го прави тоа на децата. Тоа нема да и го простиме“, рекле тие.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.