Свет
Синот на Гадафи не исклучува граѓанска војна
Cинот на либискиот лидер, Саиф ал-Ислам во саботата навечер изјави дека не е постигнат договор меѓу владата и претставниците на опозицијата и не ја исклучува можност од граѓанска војна, јави Reuters
Според Саиф ал-Ислам, за либискиот народ во оваа ситуација не постои иднина, источна Либија не може да се отцепи а сегашните безредија нудат различни црни опции, вклучувајќи го и сценариото на граѓанска војна. Истовремено, платениците во служба на режимот на либискиот водач полковникот Муамер ел-Гадафи довезени со хеликоптери во градот Мисрата, трет по големина либиски град, а стрелале врз демонстрантите кои се собрале на погреб на жрвите во судирите од петокот, изјавиле очевидци. Два хеликоптера ги истовариле платениците во квартот Мербат во Мосрата, 150 километри источно од главниот град Триполи, изјавил очевидецот во телефонски разговор со редакцијата на AFP, а во текот на разговорот се слушале истели. Според соговорникот на агенцијата, платениците стрелале и врз роднините на жртвите на влезот од локалната џамија. Тој претставувајќи се како приврзаник на опозицијата, додал дека платениците стрелале и врз зградата на локалното радио. Како што тврди опозиционерот соработниците на Гадафи се поврзале со лидерот на племето Мисрата и му понудиле основање засебна држава во тој град со услов од таму да не се напаѓа Триполи. Мисрата инаку е меѓу два града каде се поддржува режимот, Злитан и Сирта. Во немирите кои траат од 15-ти февруари во Либија со кои се бара повлекување од 42-годишното владеење на Гадафи, досега според различни извори загинале меѓу 600 и две илјади луѓе, а повеќе од четири илјади се ранети.САД и НАТО повикувајќи го Гадафи да не употребува сила против демонстрантите воведоа санкции и разгледуваат опција за интервенција со која наводно би се извлекле десетици илјади странски граѓани од Либија. Во тек е инаку нивната евакуација, од која најбројни се кинеските државјани чија бројка се проценува на околу 30 илјади. Гадафи во четвртокот за безредијата ја обвини Ал Каеда и нејзиниот водач Осама бин Ладен. Претходно во вторникот глобалната исламистичката терористичка организација Ал Каеда им вети помош на бунтовниците во Либија.„Ал Каеда ќе ја даде сета својата помош за соборување на водачот на либиската револуција полковникот Моамер Гадафи“, соопшти оваа организација во вторникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се бараат оставки поради трагедијата во Домот за пензионери
Голем број граѓани на Тузла денеска излегоа на улиците на градот и одржаа протест, изразувајќи го своето незадоволство поради трагедиите и скандалите што го погодија Тузланскиот кантон.
Пожарот што избувна во вторникот во Домот за пензионери во Тузла однесе 13 животи, а 12 пациенти сè уште се наоѓаат во болница. Како што беше утврдено, жртвите починале од труење со јаглерод моноксид.
Една седмица претходно, Тузланскиот кантон го потресе случајот со подведување малолетнички, за што се осомничени полициски службеник и еден професор. Нивното подведување траело неколку месеци во текот на минатата и оваа година.
Присутните граѓани од Тузла, но и оние кои допатуваа од други градови на Босна и Херцеговина, денеска побараа оставки од надлежните.
Свет
Три девојки планирале терористички напад во Париз
Девојки на возраст од 18, 19 и 21 година, беа уапсени и обвинети за терористичка завера и планирање напад во Париз, соопштија денеска истражните органи.
Како што е наведено, тие неколку недели планирале насилен терористички напад врз кафуле или концертна сала во Париз, јави РТЛ.
Апсењето и обвинението против трите жени е резултат на истрагата на Националното обвинителство за борба против тероризмот, која беше успешно завршена пред 10-годишнината од смртоносниот терористички напад на 13 ноември 2015 година во Париз.
Свет
Се запали магацин за парфеми во Турција, загинаа шест лица
Најмалку шест лица загинаа, а две се повредени во пожар што утрово избувна во магацин за парфеми во градот Диловаси, во северозападниот дел на Турција.
Според снимките што ги емитуваше турскиот канал НТВ, изгореле два ката од зградата во која се наоѓале магацинот и работилницата за производство на парфеми.
Засега нема информации за тоа што го предизвикало пожарот.

