Македонија
Груевски: Не сакаме ништо да одземеме, но и да не ни одземат
Има волја за решение на спорот за името со Грција, а ќе има и смелост доколку се изнајде адекватно решение кое нема да предизвика штета на двете страни. Не сакаме ништо да одземеме, но и да не ни одземат
Има волја за решение на спорот за името со Грција, а ќе има и смелост доколку се изнајде адекватно решение кое нема да предизвика штета на двете страни. Не сакаме ништо да одземеме, но и да не ни одземат.
Вака денеска одговори премерот Никола Груевски на пратеничкото прашање поставено од пратеникот Имер Селмани од Нова Демократија: „Компромисот, на сите ни е јасно дека значи да се измени името, без разлика дали тоа ќе биде на билатерално или мултуилатерлано ниво. Верувам дека имате политичка волја да разговараме за тоа дали имате смелост,сите заеднички да ја да ја поделиме одговорноста за промена на името. Дали сте за компромис и дали се согласувате дека токму ова одолговлекување на ова прашање и непостигнувањето на меѓупартиски или национален консензус е само губење време? “
„Не очекувајте дека набрзина би прифатиле решение кое ќе ни направи поголема штета и ќе ни затвори еден проблем, но ќе ни отвори друг поголем проблем. Ниту купуваме време, ниту има зошто тоа да го правиме“,рече Груевски.
Прашањето за името рече тој, не е прашање од вчера туку тоа не оптоварува 20-тина години и многу Влади не успеале да го решат.
„Во однос на тоа дали со ова доживуваме загуби, зависи како гледате на работите. Ако се гледаат од една страна, тогаш тоа е загуба, но ако гледаме од друга страна всушност е спречување на една поголема штета. Ако се оди на тоа да се прифати се по која било цена, тогаш се соочуваме со штета на државата, вклучително и на македонскиот народ“, рече Груевски.
Селмани рече дека неопходно е да се реши спорот со името во спротивно Македонија ќе се соочува со загуби „И тоа нема да биде загуба само на оваа Влада, туку на 2 милиона граѓани. За да се постигне компромис, треба да постои волја“, рече Селмани. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Десна објави наводно писмо од Љупчо Палевски: Министерот Лога лаже за екстрадицијата
Политичката партија Десна на својот Фејсбук профил објави писмо од својот лидер Љупчо Палевски Палче, кој чека екстрадиција во Македонија и судска постапка. Палевски е првоосомничен за двојното убиство на Вања Ѓорчевска и Панче Жежовски.
Во писмото, тој се обраќа до министерот за правда Кренар Лога за кој вели дека „лаже“, и дека токму Палевски барал кратка и брза екстрадиција, без противење.
„Многу важно, го прашав судијата колку време трае БРЗАВА, КРАТКАВА ЕКСТРАДИЦИЈА, добив одговор дека целиот процес е 40 дена од денот на хапсење. На 22 декември бев во Баликесир на повисокиот суд каде за разлика од Првиот, Понискиот Суд, ме прашаа дали постои опасност од МАЧЕЊЕ и УБИВАЊЕ во Македонија. За прв пат почувствував СРАМ за мојава држава и од ИНАТ ако ништо друго дадов изјава: „НЕ, инсистирам на КРАТКА и БРЗА ЕКСТРАДИЦИЈА во Македонија за да се бранам во ИСТРАГАТА.“ Сѐ ова после 5-6 писанија до обвинителот, го добив на коректен Англиски со печат и потпис од Судот. Од тогаш, од минатата година до денес, едни други курветини, „НАТО Прогресивци“, но кои на ЕРДО се клањаат, Министер за Правда, колега на малоумниов Кренар Лога го држат ПАЛЧО во „ЕКСПРЕС“ БРЗА ЕКСТРАДИЦИЈА“, пишува наводно Палчо.
Претходно министерот за внатрешни работи, Панче Тошковски кажа дека добил информација од Секторот за меѓународна полициска соработка дека е одобрена екстрадицијата за Љупчо Палевски Палчо, со тоа што македонските полициски службеници се во комуникација со турските колеги.
Македонија
Мојсоска: На 8 мај младите ќе стават крај на истрошените елити кои немаат што да понудат
Левица како нова генерација млади политичари на овие избори настапува со радикална антикорупциска платформа. Битола од економски гигант во време на криминалната приватизација стана рекордер на невработеност. Младите паметат како нашите родители остануваа на улица додека се богатеа поединци, изјави Јована Мојсоска, генерален секретар на Левица
– Се бориме за донесување Закон за потекло на имот на сите носители на јавни функции од почеток на транзиција до денес. На овој начин мора да се стави крај на криминогените партии кои ја уништија иднината на младите генерации. Наместо амнестија која ја видовме во Собранието, нашата автентична програма се залага за незастарливост на криминалот извршен од јавни функционери. На 8-ми мај младите ќе се обединат околу идејата на Левица за да стават крај на владеењето на корумпираните и истрошени политички елити кои немаат веќе што да понудат – вели Мојсоска.
Македонија
Глас за СДСМ е глас за поголеми плати и унапредени работнички права, велат од СДСМ
Глас за СДСМ на 8-ми мај е глас за поголеми плати и унапредени работнички права, велат од СДСМ.
„СДСМ ја зголеми минималната плата за скоро три пати од 8.000 на 22.500 денари и таа ќе продолжи да расте со воспоставена методологија. Просечната плата е двојно зголемена, во однос на 2016 година на речиси 40.000 денари. Платите во образованието и здравството се двојно поголеми, покачени се платите во образованието, полицијата, армијата, социјалните служби, во сите сектори. СДСМ беше рамо до рамо со работниците во време на големите кризи – економската, енергетската и здравствената, помогна да се спасат илјадници работни места“, дополнуваат од СДСМ.
Како што велат, со СДСМ е можен европски животен стандард, со просечна плата од 1.100 евра и минимална плата од 600 евра.
„Програмата за млади предвидува по 200 евра за прво вработување за млади до 26 години, субвенции и поволни цени за купување сопствен дом за млади до 29 години, како и гарантирана плата за млади, додека грантовите за отпочнување на сопствен бизнис за млади, се зголемува на 8.000 евра. Платите на медицинскиот персонал значително ќе се зголемат. Специјалистите ќе имаат до 180.000 денари плата, општите доктори, до 120.000 денари. Медицинските сестри, до 90.000 денари. Работниците и нивниот труд се двигател на секоја економија, на секоја држава. СДСМ нема да се откаже од унапредување на работничките права, раст на платите, подобро платени работни места“, завршуваат од СДСМ.