Главниот финансиски и трговски центар на престолнината на Тајланд е речиси целосно блокиран, по смртоносното гранатирање во текот на ноќта, во кое најмалку едно лице го загуби животот, а 88 се ранети, јавува Associated Press

Грабнатите биле испукани од М-79 рачен фрлач на гранати, од позиции блиску до оние кои ги држат антивладините демонстранти, таканаречените „црвени кошули“, кон позициите на војската и поддржувачите на актуелната влада, таканаречените „жолти кошули“. Ова е 45 ваков инциодент од како на 12 март започнаа антивладините демонстрации. „Цргвените кошули“, кои го подддржуваат поранешниот  премиер и телекомуникациски магнат Таксин Шинаватра, бараат итно распуштање на владата и нови парламентарни избори. Шинаватра избега од земјата во 2006 гопдина, од како беше обвинет за корупција, а владата во која неговата партија имаше мнозинство беше распуштена во 2008 година, по неколкумесечните протести на „жолтите кошули“. Судот на Тајланд во 2008 година на два пати носеше спорни одлуки со кои се овозможуваше промена на тогашната влада, за на крај војската да изврши воен удар и на контроверзните избори под нејзина контрола, да дојде на власт актуелниот премиер Абхисит Вајџаџива. „Цргвените кошули“ се составено главно од селани и сиромашни работници, но и од мал број на продемократски активисти  кои се противат на огромното влијание на армијата. „Жолтите кошули“, пак, ја дваат поддршката на актуелната влада и се претежно припадници на деловната, интелектуалната и урбаната елита, но и голем број на ројалисти. Тое тврдат дека демонстрациите се, всушност, насочени кон кралот на Тајланд, кој ужива голема почит кај сите жители на Тајланд. Меѓу поддржувачите на владата кои се излезени на контрадемонстрации има и многу неопределени граѓани на Бангкок, на кои едноставно им е преку глава хаосот речиси два месеци владее со нивниот град и бараат властите веднаш да го прекинат.Еден од лидерите на „Црвените кошули“, Натавут Саикуа во петокот изјави дека целата ноќ ја минал на преговори со заемникот-премиер Корбсак Сабхавасу, но не е постигнат никаков компромис. Претходно, премиерот Вајџаџива понуди владата да ја распушти во декември годинава, една година пред време, но најмногу што прифаќаат „Црвените кошули“ е период од три месеци. Тензијата помеѓу силите за безбедност и поддржувачите на владата од една и антивладините демонстранти од друга страна постојано раста, особено откако пред две недели во жестоки судири межу демонстрантите и војската загинаа 25 луѓе, а преку 800 беа  ранети. Статус квото, истоп така, има многу негативно влијание врз економијата на земјата, особено врз една од најпрофитабилните гранки, туризмот.Властите по синоќешниот напад се воздржаа за гранатирањето да ги обвинат „Црвените кошули“, затоа што во комплицираната тајландска политичка ситуација се е можно. Шпекулациите најмногу посочуваат на армиски офицери од тврдото крило, кои со нападите сакаат да испровоцираат причина за уште еден воен удар.  Владат, сепак, се закани дека сите вмешани во „терористичкото“ гранатирање ќе бидат пронајдени и осудени на смртна казна. Но, реалност вели дека ваквите напади во Тајланд многу ретко имаат судска завршница. На пример, се уште никој не обвине, ниту пак уапсен за мистериозните бомбашки напади на ногодишната ноќ 2006 година.