Контролата врз жената и децата е неприфатлива и неоправдана, заклучија денешните потписници на Меморандумот за соработка и развивање на две програми од областа на семејното насилство.

Контролата врз жената и децата е неприфатлива и неоправдана, заклучија денешните потписници на Меморандумот за соработка и развивање на две програми од областа на семејното насилство. Учесници на свеченото потпишување беа: Џељаљ Бајрами, Министер за труд и социјална политика, Диадре Бојд, Постојан Координатор на ОН и УНДП, Амбасадорката на Кралството Холандија – Симоне Филипини, Коце Трајанов, Претседател на ЗЕЛС и Градоначалник на Град Скопје, Владимир Талевски, Градоначалник на Битола, Зоран Дамјановски, Градоначалник на Куманово, Сади Беџети, Градоначалник на Тетово и Александар Панов, Градоначалник на Кавадарци. „Целта на овој документ е целосно поврзување на сите национални институции и граѓанското општество во борбата против семејното насилство,“ истакна Џељаљ Бајрами, Министер за труд и социјална политика и ја поздрави „огромната поддршка која доаѓа од Кралството Холандија и личната заложба на Амбасадорката Симоне Филипини за спречување на семејното насилство низ домовите во Македонија“. „Во некои од општините кои ги посетив градоначалниците ми кажаа дека во нивната општина нема семејно насилство. Сакам да порачам дека без разлика на образовното ниво, економската ситуација, и традициите на средината, семејното насилство постои и тоа е така насекаде низ светот,“ рече Филипини и додаде дека е задоволна што Владата на Р. Македонија целосно се зафаќа со решавање на овој проблем. Според Градоначалникот на Скопје, Коце Трајановски нашето општество се залага за еднакви права за жените и мажите. „Како дел од програмата ќе биде и финансиската поддршка за фирмите кои ќе вработат жени жртви на семејно насилство, со што ќе им се помогне на овие жени да не се плашат за својата егзистенција,“ додаде Трајановски. Потпишувањето на Меморандумот за Соработка помеѓу Министерството за труд и Социјална Политика, Програмата за развој на Обединетите Нации – УНДП, ЗЕЛС и 5-те пилот општини (Битола, Тетово, Кавадарци, Куманово и градот Скопје е дел Програмата за Развој на ОН за „Зајакнување на националните капацитети за спречување на семејното насилство“ поддржана од Владата на Кралството Холандија и Фондот на ОН./крај/ко