Свет
Ки-Мун разговараше за Сирија со кинескиот челник Џинтао
Генералниот секретар на ОН Бан Ки-Мун во средата во Пекинг се сретна со кинескиот претседател Ху Џинтао пред гласањето во Советот за безбедност за нацрт-резолуција којашто ја предложија САД и неговите европски партнери со кој на режимот на Сирија му се закануваат нови пожестоки санкции
Со нацрт резолуцијата којашто ја претставија европските членки на Советот за безбедност на Обединетите нации, Франција, Велика Британија, Германија и Португалија, како и САД, на властите во Дамаск, во прв ред на сирискиот претседател Башар ал-Асад ми се закануваат нови многу построги економски санкции доколку не престане со употребата на тешко вооружување против вооружената сириска опозиција, како што и се предвидува и продолжување за 45 дена на набљудувачката мисија на ОН во Сирија.
Русија претходно јасно стави до знаење дека има намера да вложи вето на предложениот документ, а повеќето западни дипломати очекуваат дека и Кина ќе го стори истото. Двете држави веќе двапати од почетокот на кризата во Сирија во март 2011 година блокираа резолуции на Советот за безбедност на ОН, заштитувајќи ги своите интереси кои се поврзани со актуелниот тамошен режим на претседателот Башар ал-Асад.
За сириското прашање, инаку Бан Ки-Мун во средата не зборувал во присуство на кинескиот претседател Ху Џинтао, туку на прес-конференција, пренесува јавува AFP. Двајцата лидери размениле куртоазни протоколарни изјави, при што кинескиот претседател на Генералниот секретар на ОН му се заблагодарил на посетата на кинеската престолнина за да ја отвори петтата Министерска конференција Кина – Африка, којашто почнува во четврток.
Бан Ки-Мун во саботата го повика шефот на кинеската дипломатија Јанг Џеичи за од официјален Пекинг да побара да го употреби своето влијание за да се примени мировниот план на специјалниот пратеник на ОН и на Арапската лига за Сирија,. Поранешниот прв човек на светската организација, Кофи Анан, како и извештајот на Работната група за Сирија со која се предвидува политика транзиција во Сирија.
Меѓутоа, официјалниот весник на кинеската комунистичка партија Ренмин Рибао, кој најчесто ги изразува официјалните ставови на Пекинг, во вторникот во уводниот текст се спротистави на каква и да е странска интервенција во Сирија, што е всушност повторување на поранешниот став на Пекинг, и идентичен со ставот на официјална Москва.
„За судбината на лидерите на Сирија може да одлучува само сирискиот народ. Станува збор за внатрешна работа и меѓународната заедница тоа би морала да го почитува. Меѓутоа, интервенција однадвор, којашто би довела до промена на режимот и би овозможила да се избегне хуманитарната катастрофа може да биде оправдана и добра причина за дејствување. Многу војни коишто до денес се воделе покажаа дека ‘промоцијата на демократијата’ и ‘хуманитаризмот’ се само изговори коишто големите сили ги употребуваат поради сопствените интереси“, се заклучува во коментарот на весникот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Холандија: Украина може да нападне цели во Русија со нашите борбени авиони
Министерката за одбрана на Холандија Кајса Олонгрен му порача на Киев слободно да ги користи борбените авиони Ф-16 што земјата има намера да ги донира на Украина за напади врз цели во Русија.
Имено, Холандија планира да испрати 24 борбени авиони Ф-16 во Киев.
Олонгрен во интервју за Политико рече дека Холандија нема да воведе ограничувања за користење на авионите, како што е случајот со Белгија, каде премиерот Александар Де Кро го предупреди Киев да не ги користи нивните Ф-16 во рускиот воздушен простор.
„Нема ограничувања во белгиски стил. Кога ќе ги предадеме авионите на Украина, тие можат да ги користат. Само бараме од нив да го почитуваат меѓународното право и правото на самоодбрана како што е наведено во Повелбата на ОН, што значи нивно користење за таргетирате воени цели за самоодбрана“, рече Олонгрен.
Олонгрен и американскиот секретар за одбрана Лојд Остин беа меѓу високите претставници кои се сретнаа со украинскиот претседател Володимир Зеленски на конференцијата во Сингапур во неделата. Олонгрен ќе се повлече од функцијата министер за одбрана откако новата екстремно десничарска влада ќе положи заклетва. Таа рече дека се надева оти новата влада ќе продолжи да ги поддржува НАТО и Украина.
Свет
(Видео) Докторот плачел: на девојка од Газа и ја ампутирале ногата на трпезариска маса со обичен нож и без анестезија
Кон крајот на минатата година, лекар во Газа снимил страшна сцена – итна ампутација на нога која била извршена на трпезариска маса.
За да и го спаси животот на младата девојка морал со кујнски нож и без анестезија да и го отсече екстремитетот. Со себе имал само кофа и малку сапун.
На 19 декември 2023 година, 17-годишната Ахед Бсеисо се искачи на последниот кат од зградата во близина на болницата Ал Шифа во градот Газа за да се обиде да го повика нејзиниот татко, кој живее во Белгија, бидејќи таму сигналот е најдобар. Додека се обидувала да стигне до нејзиниот татко тоа утро, таа забележала големи израелски тенкови на улицата и одеднаш одекнала силна експлозија.
„Слушнав тресок и ѕидот се урна врз мене. Насекаде имаше прашина и на почетокот не можев да сфатам каде сум“, изјавила Ахед за „Скај њуз“. Нејзината мајка и роднините притрчале да помогнат. Успеале да ја извлечат од урнатините, но виделе дека едната нога и е скршена, а другиот во полоша состојба.
'He cut my leg off with a kitchen knife.'@Stone_SkyNews speaks to Ahed Bseiso from Gaza. A video of her amputation on a dining table went viral. No anaesthetic. No bandages. Just a bucket, some soap and a kitchen knife. https://t.co/5sX9t7bhob pic.twitter.com/0nBZiBffMb
— Sky News (@SkyNews) June 4, 2024
„Вујко зеде сапун од кујната и почна да ја чисти ногата. Потоа почна да плаче. Го прашав братучед ми дали ногата ми е добро, а тој само ми рече дека е подобро да не гледам надолу“, раскажува таа. Семејството ја однело Ахед по скалите до станот. Надвор се слушало пукање. „Немаше хируршка опрема. Вујко зеде сапун од кујната и почна да ја чисти ногата. Потоа почна да плаче“, се сеќава Ахед.
Вујкото, лекар, го легнал девојчето на масата во кујната и решил да изврши итна операција. Левата нога била тешко повредена, а десната потколеница на парчиња. Девојката очајно го молела својот вујко да не и ја ампутира ногата, но тој знаел што ја чека.
„Тој мораше да избере помеѓу спасување на ногата и мојот живот. Немаше анестезија, цело време бев свесна“, рече Ахед.
Вујкото ја снимил операцијата за да му покаже на светот какви ужаси се случуваат во Газа. Таа одлука на крајот го променила животот на младата девојка. Видеото го видела и Вафа Абед, која живее во мало американско гратче во Јужна Каролина.
Како и многумина прогонети Палестинци, Абед внимателно ја следеше ситуацијата во Газа. Кога наишла на видеото од ампутацијата, таа му рекла на својот син Тарек: „Мораш да ја извадиш оваа девојка. Само мораш“.
Тарек Хаилат, 27-годишен студент по медицина, неодамна почна да волонтира за Палестинскиот детски фонд за помош (ПЦРФ). Тој одлучи да ја извади Ахед од Газа. Но, успеа само по повеќе од еден месец и 17 неуспешни обиди.
Израел во неколку наврати ја одбиваше дозвола да ја напушти Газа, а медицинскиот конвој исто така беше нападнат. Кога Ахед пристигнала во САД, се нашла во малку непријатна ситуација – во земја која ја прифатила и ја спасила од ужасите на војната, но која во исто време и дава најголема поддршка на нацијата која и ги нанела повредите.
„Никогаш нема да ги заборавам луѓето кои дадоа се од себе за да ми помогнат. Но, не ми беше лесно да ја напуштам Газа и да заминам на лекување во земја која е можеби дури и поодговорна за мојата состојба од Израел“, рече таа.
Ахед има намера да замине во Јужна Каролина за целосно да се опорави, но сака да се врати дома што е можно поскоро. „Среќна сум и благодарена за оваа можност, но моето срце се уште е со семејството во северниот дел на Газа, што е најстрашното место на светот во моментов“, рече Ахед.
Свет
Израел не е поканет на мировната церемонија во Нагасаки, Палестина е
Градот Нагасаки во југозападна Јапонија не го покани Израел на мировната церемонија што ја организира секоја година на 9 август во чест на жртвите од атомското бомбардирање на градот во 1945 година.
„Го стопиравме писмото со покана до израелскиот амбасадор во Јапонија“, рече градоначалникот на Нагасаки, Широ Сузуки на прес-конференција.
Наместо тоа, градот му испрати писмо „во кое повикува на итен прекин на огнот“ во Појасот Газа, палестинска територија под опсада и напади речиси осум месеци.
Сузуки го оправдува изостанувањето на повикот до Израел и со желбата да се избегнат можни инциденти за време на церемонијата, поради критичната хуманитарна ситуација во Газа и тензиите што ги предизвикува во многу земји.
Нагасаки, пак, како и секоја година го покани претставникот на Палестина во Јапонија, изјавија за Франс прес. Амбасадата на Израел во Токио се уште не одговорила.
На 9 август 1945 година, три дена по првото атомско бомбардирање во историјата, градот Хирошима, Нагасаки ја доживеа истата судбина, со околу 74.000 жртви на лице место.