Македонија
Управителите на фирмите од „Перо Наков“ во притвор одбиваат да примат акти на УЈП
Изминативе две седмици во два наврата управителите на фирмите даночни обврзници со седиште на ул. „Перо Наков“ бб, одбивале да примат акти на Управата за јавни приходи, стои во реакцијата на УЈП
Изминативе две седмици во два наврата управителите на фирмите даночни обврзници со седиште на ул. „Перо Наков“ бб, одбивале да примат акти на Управата за јавни приходи, стои во реакцијата на УЈП Мистериозно е за А1, но не и за законите што се на сила во Република Македонија, се вели во писмената реакција на Управата за јавни приходи, од каде реагираат дека неколку дена медиумите А1 телевизија, и дневните весници „Време“ и „Шпиц“ пласирале еднострани информации, се вели меѓу другото во реакцијата на УЈП на прилозите на медиумите од „Перо Наков“ бб.„Ценејќи ја моќта на медиумите а земајќи предвид дека неколку дена од страна на ’А14, ’Време“ и “Шпиц“ се пласираат исти еднострани информации кои се повикуваат на селективно вадени делови од акти на УЈП и на некакви “мистериозни посети и лица“, УЈП ја информира јавноста дека во текот на изминатите две седмици, по претходно добиено одобрение од истражниот судија и запазувајќи ја целокупната законска процедура, даночните инспектори се обидоа да достават акти на УЈП до управителите на обврзниците кои моментално се наоѓаат во притвор. Но и во двата обида, управителите одбија да ги примат актите на УЈП“, пишува во писмената изјава на портпаролот на УЈП, Весна Новаковиќ. Истовремено, во однос на цитирањето на делови од актите на УЈП, во изјавата се потсетува и дека „А1 телевизија“ според даночната евиденција е различна фирма од печатница „Мисирков“, и фирмите „Хедис“, „Астра Трејд“, „Стратус“, „Време Трејд“ и сите други фирми на „Перо Наков“.„ Не навлегувајќи во меѓусебните ’интимни’ релации на фирмите на ’Перо Наков’ и останатите, ’А1 телевизија’ како даночен обврзник не треба да се идентификува со контролите и да се препознава во дадените изјави за некои од другите фирми, освен ако за тоа нема причина, бидејќи како што е потенцирано уште од самиот почеток од страна на УЈП – станува збор за различни субјекти, различни сопственици“, се посочува во изјавата на Управата за јавни приходи./крај/со./сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и културата е рециклирање и рекреирање веќе на постојното. Колку понапредни општествата, толку повеќе се рециклира, се води сметка за животната околина и сè погласна и популарна е second hand модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во „Јавна соба“, под слоганот „Second hand е подобро од ново“, почнува базарот, каде што посетителите може да си набават добро сочувано парче гардероба, чевли, накит, книга или можеби некоја играчка. Ќе има многубројни штандови со разноразни парчиња, кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– заштеда на пари;
– помагање на животната средина и зачувување на природните ресурси;
– поддржувате локален и мал бизнис;
– развивате уникатен стил;
– имате чувство како да сте во потрага по богатство.