Македонија
Преглед на печат / Македонија
„Дневник“
„Новогодишен туристички пост“ е насловот на текстот во кој се вели дека од година во година, бројот на продадени туристички аранжмани за новогодишните празници надвор од земјава се преполовува. Оваа година, пишува натаму во текстот, само две илјади граѓани на Македонија уплатиле аранжман за во странство. За зголемување на бројот на аранжманите не помогнало ниту укинувањето на визите, ниту, пак, примамливите туристички аранжмани, затоа што, смета весникот, сиромаштијата била посилна од се.„Време“
Весникот пишува дека Министерството за надворешни работи не избирало средства во заканите кон сопственикот на телевизијата „А1“ и во текстот „Полициски терор врз синот на Рамковски“. Теророт, според весникот, се состои од тоа што во вторникот попладне полициско комбе со неколкумина униформирани полицајци застанало пред зградата на телевизијата „А1“, за на Рамковски помладиот, Хеди, да му достави покана, а при тоа не објасниле за што се работи. „Нова Македонија“
на „Викиликс“ се уште нема тајни телеграми од Грција, забележува весникот во текстот со наслов „Линиите Скопје-Атина-Вашингтон се прегреале пред Букурешт“. Весникот во текстот ја пренесува графичката анализа на германскиот весник „Шпигел“ кој, заедно со уште неколку светски познати весници, ги поседува тајните документи од интернет страницата. Анализата ја покажува фреквенцијата на тајните телеграми од Скопје и Атина кон Вашингтон и утврдува дека најсилна била преписката непосредно пред одржувањето на самитот на НАТО во Букурешт во 2008 година. „Утрински весник“
„Нашата црква не дава Божик на 25 декември“ е насловот на текстот во весникот, во кој се пренесува ставот на македонските духовници за ова прашање и кој, според весникот, е зацементиран и не доаѓало предвид промена на црковниот календар. Според текстот, иако Јулијанскиот календар се применува само уште во неколку православни цркви, кај нас нема да се иницира вакво нешто, за тоа што тоа било сериозна промена која немала да мине без последици, го пренесува весникот ставот на МПЦ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На ден пред двојните избори гласаат болните и изнемоштените лица, затворениците и дијаспората
Денес своето право на глас први ќе го остварат болните и изнемоштените лица, како и затворениците во казено-поправните домови во државата.
Од Државната изборна комисија информираа дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.
Освен изнемоштените и затворениците, денес своето право на глас ќе го остварат и пријавените македонски државјани од дијаспората, но единствено за претседателските избори. Гласање за парламентарните избори во дијаспората нема да се спроведе поради недоволен број пријавени.
На овие парламентарни избори поднесени се 17 кандидатски листи, за парламентарните избори од кои 16 на политички партии и коалиции и една од група избирачи. На изборите учествуваат 61 партија. Од нив, 11 самостојно, а 50 во пет коалиции.
На вториот круг од претседателските избори право на глас имаат 1.814.317 избирачи, а на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство. Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи.
Македонија
Акредитирани 1078 домашни и 770 странски набљудувачи за изборите
За вториот круг од претседателските избори и парламентарните избори на 8 мај акредитирани се вкупно 1999 набљудувачи, преведувачи и странски новинари. Најмногу акредитирани се домашни набљудувачи – 1078. Изборите ќе ги следат и 770 странски набљудувачи за чии потреби се ангажирани и 85 преведувачи.
За известување од изборите, акредитирани се 66 странски новинари, меѓу кои и од Ројтерс, Асошиејтед прес, Ал Џезира и Франс прес.
Најмногу домашни набљудувачи акредитирало Здружението за развој на општествено – социјални иновации „ВАКЕ УП“ Скопје – 752, потоа Фондација Ромите за демократија – 151, Цивил – 82, Центарот за безбедносни истражувања – 46, Институтот за меѓународни односи и стратегии Охрид – 20, Националниот ромски центар Куманово – 14, Здружението за промоција и развој инклузива Куманово – 12 и Македонскиот центар за културен развој – еден набљудувач.
Специјалната мисија за проценка на изборите на ОБСЕ/ОДИХР има акредитирано 410 набљудувачи, 14 експерти и 31 преведувач, најмногу од странските набљудувачи. Парламентарното собрание на ОБСЕ (OSCE PA) има акредитирано 138 набљудувачи, Амбасадата на Соединетите американски држави во Скопје – 68 набљудувачи и 33 преведувачи, Парламентарното собрание на Советот на Европа – ад хок комисијата за набљудување на претседателските избори во Република Северна Македонија – 33 набљудувачи и 20 преведувачи, Иницијативата за дијалог и демократија Силба 30, Централната изборна комисија – Република Косово – 13, Европскиот парламент – 12 и други.
Македонија
Бојан Јовановски: Повикан сум на информативен разговор во полиција, ова е директен притисок и обид за цензура
Бојан Јовановски – Боки 13 соопшти дека денеска во 10 часот е повикан на информативен разговор во П.С Кисела вода (Пролече) во врска со пријава за загрозување на безбедност согласно член 144 од КЗ.
„Ова го чувствувам за директен притисок и обид за цензура од страна на засегнатите лица во врска со мојот настап кај „Лазаров“!“, објави Бојан Јовановски.
Јовановски претходно вчера објави дека веќе неколку дена е цел на закани и притисоци со цел да го откаже второ гостување на поткастот.