Македонија
ВМРО-ДПМНЕ: Се надеваме дека СДСМ ќе се приклучи на прославата
Се надеваме дека СДСМ и Црвенковски ќе смогнат сили да го надминат својот концепт на негација и монополизирање и ќе се приклучат на прославата која не е ни на ВМРО, не може да биде ни на СДСМ, изјави денеска директорот на Центарот за комуникации на ВМРО-ДПМНЕ, Илија Димовски.
Се надеваме дека СДСМ и Црвенковски ќе смогнат сили да го надминат својот концепт на негација и монополизирање и ќе се приклучат на прославата која не е ни на ВМРО, не може да биде ни на СДСМ, изјави денеска директорот на Центарот за комуникации на ВМРО-ДПМНЕ, Илија Димовски.
Тој рече дека ВМРО-ДПМНЕ во овие празнични денови нема намера да се занимава со улогата на СДСМ и Бранко Црвенковски во изминатите 20 години.
„Тоа ќе го оставиме за друго време, иако свесни сме дека граѓаните доволно добро паметат кој што правеше и какви дела остави во овие изминати 20 години. ВМРО-ДПМНЕ нема ниту да си дозволи да влегува во партиски препукувања и пресметки токму во моменти кога суштински е потребно да покажеме единство и сплотеност“, истакна Димовски.
ВМРО-ДПМНЕ, како што укажа тој, не може ниту да разбере, ниту да прифати дека опозицијата само заради тоа што е опозиција во моментите на прославување на овој значаен јубилеј, да не биде присутна.
„Местото на поранешниот претседател Киро Глигоров, како и на сите останати значајни функционери на државата, без разлика на нивната верска, етничка или партиска припадност, ќе е со особена почест на прославата. Неговото споменување од страна на Црвенковски е лош и несериозен обид за сопствено перење и оправдување“, рече Димовски, одговарајќи на обвинувањето од Црвенковски дека власта не го спомнала првиот претседател на независна Македонија.
Тезите кои денеска беа изнесени од лидерот на СДСМ, според Димовски, се целосно неточни и со крајна дневно-политичка применливост.
„Тој се обидува да го оправда своето неприсуство на одбележување на дваесет години независност, внесувајќи нови поделби. Социјалдемократскиот сојуз мора да најде сили и да ги надмине сите свои партиски интереси. Овие денови граѓаните од нас очекуваат обединување. Ајде да се угледаме на храброста и патриотизмот на кошаркарите“, истакна Димовски.
Градбите, патиштата, училиштата, музеите, спомениците, спортските сали, прославата за независност, како што рече Димовски, се на граѓаните, не на ВМРО-ДПМНЕ, не на СДСМ./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.