Свет
Демонстранти од сиромашната внатрешност протестираат во Тунис

Демонстранти од сиромашната рурална внатрешност на Тунис денеска протестираа во престолнината, со барање револуцијата кои тие ја започнаа целосно да ја тргне од власт старата гарда , јавува РојтерсСтотици луѓе, кои во престолнината се довезоа со таканаречениот „караван на слободата“, ја опколија зградата на премиерот Махмуд Гануши. Повеќето од нив дојдоа од Сиди Бузид, сиромашно гратче во централен Тунис, каде што започна „ Јасмин револуцијата“ пред еден месец, откако младиот Мухамед Буазизи се самозапали во протест против владеењето на избрканиот претседател Зине ал-Абедин Бен Али. „Ние сме целосно маргинализирани. Нашата земја е во сопственост на владата. Ние не поседуваме ништо“, вели Махфузи Чуки од Сиди Бузид, кој се наоѓа на 300 километри јужно од престолнината и претставува сосема поинаков свет од оној на блескавите крајбрежни одморалишта коишто ги форсираше елитата на Бен Али. Тие се цврсто решени да не дозволат спомените на Буазизи и на десетиците други луѓе кои загинаа во протестите да завршат со формирање на влада доминирана од послушниците на избрканиот претседател. „Брат ми излегол од местото каде што работи за да си оди дома и снајпер го погодил во градите. Сакам правда за него и сакам оваа влада да си замине“, вели еден од демонстрантите.Поранешните членови на партијата РЦД на Бен Али ги задржаа клучните позиции во владата, како што се внатрешните работи, одбраната и надворешните работи. На претставниците на помалите партии кои беа толерирани во времето на владеењето на Бен Али им беше дозволено да заземат некои од понебитните ресори.Револтот во Тунис поттикна бран на протести ширум арапскиот свет, од страна на милионите кои страдаат од невработеност, растечки цени и репресивно владеење на елитите поддржани од западот како браник од исламските фундаменталисти. /крај/ројтерс/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина утре ќе разменат 175 воени заробеници

Русија и Украина утре ќе разменат 175 воени заробеници од двете страни, изјави претседателот Владимир Путин за време на телефонскиот разговор со неговиот американски колега Доналд Трамп.
-Путин објави дека на 19 март руската и украинската страна ќе разменат по 175 затвореници, се вели во соопштението на Кремљ.
Белата куќа, од своја страна, објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање крај на конфликтот ќе започнат „веднаш“.
Тие разговори ќе бидат на Блискиот Исток, соопшти Белата куќа, пофалувајќи ги „огромните придобивки од подобрените односи“ меѓу САД и Русија
Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.