Македонија
СДСМ за прославата: Лицемерен обид за обединување
Лицемерен повик за обединување, без решение и план за влез на Македонија во Европската унија и НАТО, партиски собир.
Лицемерен повик за обединување, без решение и план за влез на Македонија во Европската унија и НАТО, партиски собир.
Вака Социјалдемократскиот сојуз на Македонија (СДСМ) го оквалификува вчерашниот говор на премиерот Никола Груевски на централната прослава по повод 20-годишнината од независноста на Македонија, која што се одржа во центарот на Скопје.
За опозицијата, Груевски ја води државата според познатата „кога не можеш да ги решиш проблемите, понуди му на народот „леб и игри“.
„Не постои поголемо лицемерие од вчерашниот повик за обединување кој Никола Груевски го упати токму од симболот на македонските поделби и длабоки разлики-Скопје 2014, без присуство на опозицијата, на клучните личности во стекнувањето на независноста и нашите меѓународни пријатели, на прославата на многу значаен јубилеј“ се вели во писмената реакција на СДСМ.
Социјалдемократите се залагале за обединување и решение на спорот за името кое нема да задира во македонскиот идентитет и јазик, за евроатлански интеграции на Македонија, за подобра економска состојба, унапредување на јавното здравство и квалитетно образование.
„За жал, во реалноста Никола Груевски прави нешто сосема спротивно. За него овие вистински вредности и политики се само обични флоскули во говор на партиски собир. Тој под обединување единствено подразбира постројување зад неговите штетни и криминални политики, мегаломанско трошење на народните пари, невработеноста, систематското разградување на јавното здравство и рекордната сиромаштија“ пишуваат од СДСМ
Тие му забележуваат на Премиерот што не кажал ниту збор како планира да ја внесе Македонија во ЕУ и НАТО и му порачуваат дека “лажниот патриотизам не не води никаде“.
„Вчера, повторно ги чувме црвените линии за спорот со името, но не чувме ниту збор за тоа како Никола Груевски планира да ја внесе Македонија во ЕУ и НАТО што преставува определба и стремеж на огромното мнозинство на граѓани. Крајно време е премиерот да сфати дека лажниот патриотизам не не води никаде. Во Македонија не постои политичар, ниту партија која ќе се согласи со решение на спорот за името кое ќе задира во македонскиот идентитет, јазик и кое ќе значи промена на уставот“ се вели во реакцијата на социјалдемократите./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.