Комесарот за ширење на ЕУ, Штефан Филе изрази надежи дека до крајот на шпанското претседавање на ЕУ до 30 јуни, ќе се реши спорот со името.

Комесарот за ширење на ЕУ, Штефан Филе изрази надежи дека до крајот на шпанското претседавање на ЕУ до 30 јуни, ќе се реши спорот со името.„Се надеваме дека ќе бидеме во можност да започнеме пристапни преговори со Поранешната Југословенска Република Македонија, која постигна фантастичен напредок минатата година и поради тоа Европската комисија му препорача на Европскиот совет на крајот на 2009 година да започне пристапни преговори со неа,“ изјави Филе.„Се надеваме дека владите на Македонија и Грција, ќе го искористат времето до крајот на шпанското претседавање за да изнајдат решение за прашањето со името, што ќе им дозволи на земјите членки на ЕУ да дадат зелено светло во преговорите со Македонија,“ изјави Филе во интервју за германското радио Дојче Веле.Коментирајќи ги изјавите на Филе, Премиерот Никола Груевски изјави: „Сега сме фокусирани на барањето и наоѓањето на решението за спорот со името за да можеме да постигнеме деблокада на преговорите и да најдеме можност во текот на шпанското претседавање да се утврди датумот за почеток на преговорите со Европската Унија.“Говорејќи за инцидентот со скандирањето на нацистички пароли на крајбрежната гарда во Атина, Груевски изјави дека вчерашната изјава на амбасадорката на Грција во Македонија, Александра Пападополу кога таа  рече дека навредливото скандирање било „изолиран инцидент“.Инцидентот се случи откако припадниците на еден од одредите на Крајбрежната стража, на парадата на 25. март во Атина извикуваа дека „од кожата на Македонците и Албанците ќе направат облека.“ Амбасадорката Пападополу изјави дека првиот човек на единицата бил суспендиран, а се испитувале и останатите учесници кои скандираа против македонскиот и албанскиот народ во Атина.Претседателот Ѓорѓи Иванов смета дека Грција не направила доволно со тоа што го сменила старешината на единицата на Крајбрежната стража и кренала дисциплински постапки  против нејзините припадници, професионални нуркачи. Освен тоа, Иванов бара од Атина да го промени својот став спрема соседите.Претседателот за овие прашања разговараше и со својот албански колега, Бамир Топи и двајцата заклучија дека е загрижувачки што една членка на Европската Унија и НАТО има припадници на безбедносните сили кои користат говор на омраза.Македонија и Албанија поради овој инцидент упатија протестни ноти до Грција.Амбасадорот на Грција во Тирана се извини, додека амбасадорката на Грција во Скопје го оцени случувањето како „изолиран инцидент.“ /крај/бе/ко