Свет
„Фајненшел Тајмс“: Москва ја дели Европа на исток и запад
Русите сакаат да ја поделат Европа на исток и запад, но и да ја оддалечат од влијанието на САД.
Русите сакаат да ја поделат Европа на исток и запад, но и да ја оддалечат од влијанието на САД.Ова денеска го пишува „Фајненшел Тајмс“, коментирајќи го говорот на рускиот шеф на дипломатијата, Сергеј Лавров, за новата европска безбедносна структура. Авторот на статијата не верува дека Лавров искрено се залага за меѓусебна доверба и безбедност, бидејќи, како што се наведува, ова би било исто како бившиот американски потпретседател Дик Чејни, да заговара мултилатерализам. „Фајненшел Тајмс“, смета дека предлогот на рускиот министер за засилување на Организацијата за европска безбедност и соработка, заслужува внимание. Кога организацијата би добила угледна позиција, би можела да придонесе за смалувањето на тензиите помеѓу државите на просторите на бившиот Советски сојуз. „Кога Лавров говори за неподелената европска безбедност, оние кои го слушаат го заклучуваат токму спротивното,“ наведува весникот, а тоа е дека „Русите сакаат да ја поделат Европа на исток и запад и ја одвлекуваат подалеку од влијанието на Американците.“ НАТО сојузот, се заклучува во статијата, не смее да дозволи Русија да ги спречи напорите на Алијансата за унапредување на своите цели и способности. На крајот на текстот, весникот се прашува зошто две децении по завршување на Студената војна, полемиката за европската безбедност главно ја водат Русите и Американците.Одговор за оние кои овие денови сакаат да бидат европски лидери, заклучува весникот, би можел да гласи – видете се во огледало. /крај/фт/бл/ко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.