Свет
Геотермалната енергија – најстабилен обновлив извор
Луѓето ширум светот со векови ја користат топлината од внатрешноста на земјата, почнувајќи од бањите, до цели градови што се греат на топла вода
Луѓето ширум светот со векови ја користат топлината од внатрешноста на земјата, почнувајќи од бањите, до цели градови што се греат на топла вода. Но тоа беше ограничено на подрачјата со таква вода.
Американската влада сега го поттикнува развојот на поефикасни начини за користење на геотермалната енергија. Една постројка од тој тип е изградена во местото Термо, во американската сојузна држава Јута.
Геотермалната енергија произведува само еден процент од струјата во САД, воглавно бидејќи ја има само покрај активните или изгаснатите вулкани.
Претседателот на компанијата Рејсер технолоџис, Крег Хигинсон, тврди дека ова наскоро ќе се промени.
„Со изворите и ресурсите на располагање би можеле да покриеме повеќе од третина од потребите на земјата“, убеден е Хигинсон.
Геотермалните централи порано беа многу скапи, изградбата би траела од пет до осум години, а работеле само со топла вода. Хигинсон вели дека нивната централа од 10 мегавати во Јута може да работи со многу постудена вода.
„Можеме да произведуваме струја при многу пониски температури, едвај потопли од филџан кафе, што многу ја менува динамиката на геотермалната енергија“, вели Хигинсон.
Според неговиот принцип, врелата подземна вода минува низ уред во кој нејзината енергија се користи за производство на пареа која потоа, се користи за придвижување на турбината што произведува струја. Хигинсон нагласува дека постои и дополнителна полза.
„Водата не ја вадиме трајно. Само ја пропуштаме низ систем, а потоа сета количина ја враќаме назад во земјата“, вели Хигинсон.
Основачите на компанијата додаваат дека со тоа потенцијално се зголемува бројот на местата во светот во кои геотермалната енергија би можела брзо и економично да се развива.
Педесетина модуларни генераторски единици на геотермалната централа во Јута се изградени за една година и веќе снабдуваат со струја 15.000 домови во калифорнискиот град Анахајм.
Геотермалната енергија се смета за еден од најстабилните извори на обновливата енергија, бидејќи топлината во земјината внатрешност не зависи од климата или од перидот во денот. /крај/фо/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Министерот за национална безбедност на Израел: Прифаќањето на примирјето од Хамас е трик
Израелскиот министер за национална безбедност Итамар Бен-Гвир денеска го оцени прифаќањето на примирјето од страна на Хамас како трик, јавуваат израелските медиуми.
„Има само еден одговор на триковите и игрите на Хамас – итна наредба да се освои Рафах, да се зголеми воениот притисок и да се продолжи со рушење на Хамас додека не биде целосно поразен“, изјави Бен-Гвир, цитиран од „Тајмс оф Израел“.
Во исто време, „Канал 12“ ги пренесува ставовите на израелските власти кои велат дека израелскиот преговарачки тим штотуку го добил одговорот на Хамас од посредниците.
Во извештајот се вели дека Израел сега внимателно го проценува одговорот на Хамас и ќе даде официјални коментари подоцна оваа вечер.
Во него се вели дека израелските власти веќе велат дека ова не е истиот предлог за договорот што Израел и Египет го договорија пред 10 дена, што оттогаш служеше како основа за индиректни преговори“, се вели во ТВ прилогот.
„Скај њуз“ пишува дека Израел тврди оти Хамас прифатил „помека“ верзија на договорот за прекин на огнот предложен од Египет, што е неприфатливо за израелските власти. Странските медиуми јавуваат и дека израелските власти тврдат дека најавата на Хамас се чини дека е измама со цел Израел да се претстави како страна која не е подготвена да го прифати договорот.
Овие нови клаузули, меѓу другото, се однесуваат на кардиналните прашања дали, како и кога ќе заврши војната и какви гаранции се нудат во овој поглед.
Според извештајот, Хамас во последните денови ги заостри своите барања и бара војната да заврши во првата, 40-дневна фаза од договорот, наместо во втората или третата фаза.
Израел, од своја страна, постојано го отфрла завршувањето на војната како дел од договорот за заложници, инсистирајќи наместо тоа дека ќе ги продолжи борбите откако ќе се спроведе договорот, во согласност со неговите двојни воени цели: враќање на заложниците и уништување на Хамас.
Хамас, според претходните извештаи, објави дека го прифатил договорот за прекин на огнот предложен од Египет и Катар со цел да се стави крај на седуммесечната војна со Израел во Газа, а израелските медиуми цитираа официјални лица дека израелскиот преговарачки тим го добил одговорот од посредниците.
Регион
(Видео) „Мажот ја навредувал и изневерувал“ – Обвинителството во Албанија со детали за мајката што скокна во река со своите деца
Обвинителството на Основниот суд од општа надлежност во Скадар во комуникација до медиумите изнесе повеќе детали за трагедијата во семејството Арази во албанскиот град Скадар, каде досега се пронајдени телата на две деца, додека потрагата по телото на мајката и третото дете продолжува.
„До оваа фаза се утврдени сомнежи врз основа на докази дека државјанин Е.А., како последица на континуирано психичко насилство врз неговата сопруга, манифестирано во форма на континуирани навреди и прељуба, тешко нарушувајќи го нејзиното достоинство, го предизвикал самоубиството на А.А., за која се сомнева дека во тешка психичка состојба, се фрлила во реката заедно со трите малолетни деца“, се вели во соопштението на Обвинителството.
Алма Арази (39) со трите деца скокна во студената река.
Телото на најстарото девојче било пронајдено вчера во реката, додека телото на второто денеска.
Во потрагата учествува и рибарот кој вчера пронашол едно од девојчињата и кој рекол дека потрагата е многу комплицирана.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Новинарот на „Еуроњуз Албанија“ рече дека за време на сведочењето дадено во полиција, 39-годишниот сопруг Ергис Арази се појавил многу ладен за време на испрашувањето, не покажал никакви емоции и ги отфрлил обвинувањата дека ја малтретирал сопругата или другите деца.
Тој рече дека парот бил во стабилна економска ситуација, претходно живеел во Италија и Германија, а неодамна се преселил во Скадар.
Арази, откако неговото семејство било пријавено за исчезнато, два дена подоцна бил виден во кафуле со пријателите и наводно воопшто не бил вознемирен, наведува „Voxnews.al“, повикувајќи се на изјавите на неговите пријатели.
Како што рекоа, тој бил сосема мирен.
Семејството на Ергис тврди дека тој никогаш не би им наштетил. Тие тврдат дека парот имал проблеми меѓу себе, но дека Ергис Арази не бил насилник.
„Ги обожаваше децата. Тој никогаш не би им наштетил. Работеше цел ден во сервис за мобилни телефони за да ги испрати во приватно училиште. Можеби имал проблеми со сопругата, но таа никогаш не требало да им го прави тоа на децата. Тоа нема да и го простиме“, рекле тие.
Свет
Хамас: Се согласивме на прекин на огнот
Хамас објави соопштение дека го прифаќа египетско-катарскиот предлог за прекин на огнот.
Во соопштението се наведува дека нејзиниот врховен лидер Исмаил Ханије ја пренел веста во телефонски разговор со катарскиот премиер и египетскиот министер за разузнавање.
Двете земји посредуваат во повеќемесечните разговори меѓу Израел и Хамас. Сè уште нема коментари од Израел.
Претходно денеска Израел најави офанзива насочена кон Рафах, најјужниот град Газа. Повеќе од милион жители се засолниле во градот поради судирите во другите делови на Појасот Газа.
Предлогот не е објавен во јавноста, но првата фаза, наводно, бара 33 живи заложници: жени, деца, стари лица и болни да бидат ослободени за време на 40-дневното примирје, во замена за стотици палестински затвореници.