Свет
Големото прашање: Зашто сведочиме на уште еден пад на Ербас, и дали летањето станува се поризично?
На 1 јуни се сруши Ербас 447 во Атланскиот океан на бразилскиот брег, убивајќи 228 луѓе, при што производителот на авионот беше вмешан во несреќата. Овој пат, само месец подоцна, лет на “Јеменија Ер“ се сруши во Индискиот океан
Што всушност се случило?Досега, незнаеме многу. Три мртви тела се извлечени од океанот и 14 годишно девојче Бахиа Барики кое преживеа, и останатите патници за кои нема никакво информации. Околностите под кои авионот се срушил ќе станат појасни сега откако истражувачите ја пронајдоа локацијата на црната кутија, но првичните предпоставки беа дека причината било лошото време и ноќното слетување како допринесувачка околност. Да бидат нештата полоши и состојбата во која се наоѓал авионот се доведе во прашање. Фамилиите на оние кои беа во авионот изјавуваат дека авионот А310 е тип на авион кој јавувал проблеми подолго време, па според тоа незамисливо е како можат на тој начин да си играат со човечките животи.Министерот за транспорт и врски на Франција ДОмоник Бусерау, изјавил за парламентот дека Јеменија Ербасот А310 немал дозвола за летање во Франција, и ја зголеми фамата крената околу авионот кој беше карактеризиран како сигурен до авион кој се сруши во океанот. Иако некои од луѓето летале со различен авион од Парис или Марсеј пред да се качат на летот 626 во Санаа, главниот град на Јемен.Дали има друго објаснување за несреќата, освен техничка грешка?Давид Леармоунт, уредник во Воздухопловниот летачки магазин, смете дека човечка грешка е веројатно причина за несреќата, укажувајќи на можниот замор кај пилотот кој морал да се справи со слетување во 1:30 часот со силен ветер. Притоа мора да изврши непрецизно слетување без радар, метод кој 3 до 5 пати се покажува повеќе склон на несреќи како оваа. Дали имаме добри причини да размислиме за патување со Ербас?Да..Авионите на Ербас беа вклучени во низа несреќи, и досега за ниедна од несреќите не дадоа логичко објаснување.Некои пилоти се загрижени за преголемата укажана доверба на новиот аутоматски ситем за навигација.Ниедна воздухопловна компанија неможе да гарантира дека нема да се појави човечка грешка.Не..Нема причина да мислиме дека овие две несреќи се поврзани, тие вклучуваат различни модели на Ербас произведени во различен период.Ризикот што го превземате при летање е најмал, споредено со останатите превозни средстваСами заклучете што би сториле…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Детали од пропаднатиот мировен договор меѓу Русија и Украина: „Киев да гарантира трајна неутралност, а Москва да не напаѓа“
Русија и Украина беа блиску до постигнување мировен договор во пролетта 2022 година, според кој Киев бил подготвен да се посвети на неутралност, пренесува „Велт“ повикувајќи се на нацрт-договорот.
Повикувајќи се на документ од 17 страници од 15 април 2022 година, германскиот весник наведува дека Москва и Киев постигнале начелен договор и дека преостанатите разлики ќе бидат „измазнети“ на самитот меѓу претседателите на Русија и Украина, Владимир Путин и Володимир Зеленски.
Според „Велт“, Украина тогаш се обврзала на „постојана неутралност“ без присуство на странско оружје или војници, како и да не „прима, произведува или стекнува“ нуклеарно оружје. Киев, наводно, гарантирал и дека нема да одржува воени вежби со други земји.
За возврат, Русија се обврза да не ја напаѓа Украина, а Киев можеше да добие безбедносни гаранции од САД, Велика Британија, Франција и Кина. Доколку Украина биде нападната, нејзините гаранти ќе го поддржат нејзиното право на самоодбрана во рок од три дена, со ратификација на соодветните договори од секоја држава учесничка, што ќе ги направи правно обврзувачки.
„Велт“ наведува и дека договорот го исклучил рускиот полуостров Крим, како и делови од Донбас од какви било безбедносни гаранции дадени на Украина.
Сепак, не е јасно кои делови на Донбас беа опфатени со клаузулата. Весникот наведува дека иако Русија сакала да се утврдат точните граници на самитот Путин-Зеленски, Киев одбил, инсистирајќи дека тие се засновани на украинско толкување.
Во исто време, Москва наводно сигнализирала дека е подготвена да ги повлече своите војници од украинска територија, но не и од Крим и Донбас. И тоа требаше да разговараат Путин и Зеленски.
Двете страни, исто така, наводно имале големи несогласувања околу големината на украинската војска, бидејќи Киев сакал да задржи многу повеќе војници отколку што Москва била подготвена да дозволи.
„Велт“ објави дека Москва бара рускиот да стане втор официјален јазик во Украина. Русија, наводно, побарала укинување на сите меѓусебни санкции и отфрлање на тужбите, истовремено повикувајќи го Киев да го забрани нацизмот и „агресивниот национализам“. Украина ги одби тие барања, пишува весникот.
Коментирајќи го сега пропаднатиот договор, еден украински преговарач за „Велт“ изјави: „Тоа беше најдобриот договор што можевме да го постигнеме“. Преговарачот исто така изјави дека Киев бил во посилна преговарачка позиција во 2022 година отколку сега.
Руските власти претходно потврдија дека Украина и Русија се блиску до мировен договор, но тврдеа дека напредокот е закочен од тогашниот британски премиер Борис Џонсон, кој наводно го советувал Киев да продолжи со борбите. Џонсон ги отфрли обвинувањата.
Свет
„Смрт за Америка и Израел“: Хутите тврдат дека собориле американски борбен дрон
Јеменската милитантна група Хути соопшти дека соборила американско борбено беспилотно летало MQ-9 Reaper и објави видео на кои се прикажани делови од дронот.
Хутите тврдат дека го собориле дронот со проектил земја-воздух, дел од новата серија напади на бунтовниците оваа недела, по релативно затишје во војната меѓу Израел и Хамас во Појасот Газа.
Пентагон, Централната команда на САД и американските воздухопловни сили не ја коментираа изјавата на милитантите, но Си-Би-Ес Њуз цитираше неименуван американски функционер кој потврдил дека дронот се урнал во Јемен.
Видеото објавено од Хутите вклучува ракета која е лансирана кон беспилотно летало, а во позадина се слуша како човек го рецитира слоганот на групата по ударот на авионот: „Господ е најголем, смрт за Америка, смрт за Израел, проклетство на Евреи, победа на исламот“.
На видеото се прикажани и неколку главни делови од дронот, вклучувајќи го и логото на General Atomics, која го произведува авионот, како и серискиот број.
Свет
Апокалипса во Кина: силно торнадо руши се’ пред себе, 5 загинати и многу повредени
Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN.
Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа.
Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда.
Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи.
Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови.
Најмалку 10 лица се водат како исчезнати.