Свет
Сепак Куранот е запален
Иако пасторот Тери Џонс на крајот го откажа палењето на светата муслиманска книга, што можеби и не му беше вистинската цел, сепак големиот публицитет и страхувања на овој случај поттикнаа други налудничави типови да го сторат тоа
Како што пренесува Reuters, одбележувањето на 9-годишнината од нападот од 11-ти септември не мина без инциденти. Така еден маж во знак на протест против изградбата на џамија на местото на кое беа урнати Кулите близначки, покрај Ground Zero кинел страници од Куранот и ги палел. Во друг инцидент друг маж кинел страници од копија на Куранот и имитирал вулгарни дејствија како што е бришење на задникот преку пантолоните со скинатите страници.Видеото е објавено на Јутјуб со предупредување дека се работи за потенцијално навредлива и непримерна содржина.Годинешново одбележување на терористичките напади кои дефинитивно го изменија светот мина во знакот на впечатливо засилување на исламофобијата во САД и големата поделба на американското општество заради најавата за изградба на големиот исламски културен центар и џамија во непосредна близина на местото каде во нападите загинаа околу три илјади луѓе.Стотици лица учествувале на вчерашниот протест, а бројот на демонстрантите бил приближно колку бројот на оние граѓани кои минатата недела излегле во знак на поддршка на изградба на исламски центар, кој воедно го поддржа и американскиот претседател Барак Обама.Њујоршката полиција во непосредна близина на некогашниот WTC раздвојувала две групи на демонстранти, кои застапувале спротивни ставови. Иако ситуацијата била на работ на ескалација, до физички судири не дошло.Холандскиот десничарски политичар Герт Вилдерс, на топлата демонстранти и се обратил велејќи дека исламот е ист со фашизмот и дека не смее да се случи изградба на исламски културен центар.Демонстрантите од спротивната страна пак, тврделе дека протестите против изградбата на исламски центар е дел од кампањата која има за цел да шири омраза кон муслиманите.„Навистина ми е страв од ова ширење на омраза во нашата земја. Дел од христијаните застануваат против другите вери и тоа е многу тажно. Муслиманите се Американци исто како нас и имаат право да си ја негуваат својата вера во САД, како и другите“, рекла 51-годишната Американка, Елизабет Михан, пренесува Аssociated Press.На свеченоста која претходно се одвивала роднините на загинатите од терористичките напади, гласно ги читале нивните имиња. Некои од нив рекле дека протестите за изградба на исламски центар на тој ден покажуваат непочитување на роднините на загинатите, а други пак дека тоа е вистинскиот ден за протести против изградбата н џамијата.Најавата на пентакосталниот пастор од Флорида, Тери Џонс дека ќе воспостави Ден на палење на Куранот предизвика голема загриженост заради можни одговори на исламистичките екстремисти и реакции од сите светски видни личности како и до поглаварите на сите конфесии. Џонс, пак, дефинитивно го откажа палењето во сабота кога пристигна во Њујорк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Силен ветер ја урна репликата на Статуата на слободата во Бразил
Реплика на Статуата на слободата во градот Гваиба во јужен Бразил се урна во понеделникот поради силни ветрови.
Градоначалникот на Гваиба, Марсело Мараната, објави дека нема повредени во инцидентот.
In Brazil, a strong wind toppled the Statue of Liberty – the moment of the collapse was captured on video. Fortunately, no one was injured. However, the 25-meter replica of the American sculpture was severely damaged. Workers are currently dismantling the monument. pic.twitter.com/rOrSSibwOz
— Farnak (@Farnakyboy) December 16, 2025
Тој изјави дека градските служби, во соработка со членовите на државната цивилна заштита, веднаш го обезбедиле подрачјето и ги спровеле потребните истраги.
Бразилската агенција за цивилна заштита објави дека налетите на ветерот надминале 90 километри на час, додека предупредувањата се на сила низ целиот регион поради неповолни временски услови.
Фото: депозитфотос
Регион
Самит ЕУ-Западен Балкан без Србија: Вучиќ вели дека никој нема да оди во Брисел
Српскиот претседател Александар Вучиќ изјави дека нема да оди во Брисел на Самитот ЕУ-Западен Балкан, односно дека Србија нема да има свој претставник.
„За прв пат во последните 13 или 14 години, ниту јас ниту некој друг нема да одиме на таа меѓувладина конференција. Никој нема да ја претставува Република Србија, па затоа Западниот Балкан ќе биде без Република Србија“, изјави претседателот за РТС.
Тој изјави дека донел таква одлука за да не биде обвинет никој друг и дека Владата нема да трпи никаков притисок.
Тој рече дека во претходните 24 часа разговарал со голем број европски лидери.
„Искрено сум благодарен за почитта што Урсула фон дер Лајен и Антонио Кошта ја покажаа кон Србија. Исто така, сум благодарен и на претседателот Макрон, со кого разговарав синоќа. Сметам дека сè што правам, го правам за граѓаните на Србија. Без оглед на тоа што знам дека оваа одлука ќе предизвика критики, и во Брисел и од оние кои секогаш критикуваат, дури и кога не знаат точно што критикуваат. Верувам дека со ова ја штитам Република Србија и нејзините интереси, бидејќи мора да покажеме што сме направиле“, рече Вучиќ.
Тој повтори дека Србија ќе го продолжи својот европски пат додека тој е претседател, а потоа, како што рече, ќе видиме, пренесува РТС.
Фото: депозитфотос
Свет
Сијарто предупредува: На економијата на ЕУ ѝ се заканува колапс во случај на конфискација на руски средства
Конфискацијата на замрзнатите руски резерви може да предизвика колапс на економијата на Европската Унија, изјави унгарскиот министер за надворешни работи Петер Сијарто.
„Руската национална банка ja чува својата имовина и средства во Белгија.
Сосема е очигледно дека ако ЕУ ги конфискува своите резерви, глобалната доверба во белгискиот пазар ќе исчезне, а преку него и целиот финансиски пазар на ЕУ.
Ако довербата во европската инвестициска средина исчезне, тоа може да доведе до колапс на европската економија“, рече тој во програмата „Час Правде“.
Рускиот претседател Владимир Путин и унгарскиот премиер Виктор Орбан претходно потврдија за време на разговорите дека таков чекор од Брисел нема да помине без одговор од Москва.
Ова ќе зависи од ставот на поединечните земји во Европската Унија, истакна Сијарто.
„Конфискацијата на руски државен имот е една од најсериозните ескалации на ризикот во последните четири години, а запленувањето на резервите од страна на ЕУ е решение кое се заканува со ескалација на војната“, нагласи дипломатот.
И покрај фактот дека се чини дека дипломатското решение за украинската криза се приближува, Европејците всушност се обидуваат да ја продолжат и влошат војната со целосно непотребно присвојување на руски средства, резимираше тој.
На 12 декември, Советот на Европската Унија усвои одлука за трајно замрзнување на суверените руски средства, пренесува Спутник.
Европската комисија се надева дека на самитот на 18 и 19 декември ќе обезбеди одлука од земјите на ЕУ за експропријација на 210 милијарди евра руски средства, од кои 185 милијарди евра се блокирани на платформата „Јуроклир“ во Белгија.
Фото: депозитфотос

