Македонија
Македонскиот БДП далеку под европскиот просек
![](https://makfax.com.mk/wp-content/uploads/2016/11/f843bf02-baf7-49ab-bb0c-352cf6f17821.jpeg)
Бруто домашниот производ (БДП) на Македонија по глава на жител изразен според куповната моќ изнесува само 32 насто од просекот на Европската унија
Бруто домашниот производ (БДП) на Македонија по глава на жител изразен според куповната моќ изнесува само 32 насто од просекот на Европската унија.
Ова го покажаа првите проценки за 2008 година на статистичкото биро на Европската унија – Евростат, за земјите членки на ЕУ, кандидатите за членство, земјите од западен Балкан и членките на ЕФТА.
Помал БДП од Македонија имаат само Босна и Херцеговина – 30 насто од европскиот просек и Албанија со 25 насто.
Подобар просек од Македонија меѓу земјите кандидати и потенцијални кандидати за членство во ЕУ имаат Хрватска (63%), па следуваат Црна Гора (46%), Турција (45%) и Србија (37%).
Бруто домашниот производ по глава на жител мерен според куповната моќ во државите членки на Европската унија варира од 253 проценти во Луксембург до 40 насто во Бугарија.
Над просекот, освен Луксембург, се Ирска (140%), Холандија (135%), Австрија (123%), Шведска (121%), Данска (119%), Обединетото Кралство (117%), Финска (116%), Германија (116%), Белгија (115%), Франција (107%), Шпанија (104%), додека Италија е точно на просекот.
Помал бруто домашен производ по глава на жител мерен според куповната моќ од европскиот просек освен Грција (95 %) и Португалија (75%), имаат новите земји членки на Европската унија и тоа Кипар (95%), Словенија (90%), Чешка (80%), Малта (76%), Словачка (72%), Естонија (67%), Унгарија (63%), Литванија (61%), Полска (57), Летонија (56%), Романија (46%) и Бугарија (40%).
Поголема куповна моќ имаат и членките на ЕФТА Норвешка (190%), Швајцарија (141%) и Исланд (119%)./крај/ес/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.