Македонија
НБМ: Ризиците во 2008 се зголемија-стабилноста се задржа
Ризиците во 2008 година се зголемија, главно поради глобалната криза, но финансиската стабилност се задржа
Ризиците во 2008 година се зголемија, главно поради глобалната криза, но финансиската стабилност се задржа.
Ова се наведува во Извештајот за финансиската стабилност во Македонија за 2008 година, што во среда го усвои Народната банка на Македонија.
Глобалната економска и финансиска криза имаше ограничено директно влијание врз макроекономската стабилност, но значително се одрази врз макроекономската стабилност во Македонија се наведува во извештајот.
Економската активност лани во земјата забави и се зголеми надворешната нерамнотежа, како последица на намалувањето на економската активност во развиените земји, пред се во најголемите трговски партнери на Македонија и особено поради остриот пад на цените на металите, кои се стратешки извозни производи.
Лани во однос на 2007 година се зголеми значењето на ризиците од реалниот сектор. Побавниот годишен растеж на финансиската актива на населението од 7,9 насто и на неговиот расположлив доход од 8,6 проценти, наспроти стапката на задолженост од 37 насто го намалија капацитетот на сервисирање на долгот кон банките и другите финансиски институции.
Високото ниво на задолженост на населението кое што е со валутни компоненти и прилагодливи каматни стапки го изложува овој сектор на валутен и каматен ризик.
Истиот ризик се однесува и на корпоративниот сектор , кој не остана изолиран од настаните во економското опкружување. Задолженоста на корпоративниот сектор продолжи да расте и лани со годишна стапка од 31,2 насто.
Ризиците за финансискиот систем лани останале во контролирани рамки, се наведува во извештајот.
Вкупните средства на финансискиот систем на крајот на минатата година изнесувале 280,9 милијарди денари (4,6 милијарди евра) и во споредба со 2007 се зголемиле за 13,7 насто. Ова е само половина од годишната стапка на раст остварена во 2007 година.
Највисоки стапки на растеж забележале средствата на пензиските фондови и на лизинг компаниите.НБМ оценува дека и покрај зголемените надворешни надворешни и домашни фактори за ризик банките лани останале стабилни и сигурни./крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..