Свет
Генералниот секретар на ОН повика да запре снабдувањето со оружје на Сиријците
Генералниот секретар на Обединетите нации, Бан Ки-Мун повика да се запре со снабдувањето со оружје на завојуваните страни во конфликтот во Сирија, изјави за агенциите во средата во телефонски разговор од Техеран, портпарол на челникот на светската организација, Мартин Несирки.
Бан Ки-Мун престојува во иранската престолнина Техеран, каде што се состана со иранското раководство и ќе учествува на самитот на Движењето на неврзаните.
„Генералниот секретар ги повика сите држави да престанат со снабдување со оружје на сите страни во конфликтот во Сирија“, изјави Несирки по средбата на Бан Ки-Мун и врховниот верски ирански водач ајатолахот Али Камнеи и претседателот Махмуд Ахмадинеџад.
Минатата седмица на заседанието на Советот за безбедност при ОН посветено на ситуацијата на Блискиот исток, помошникот на генералниот секретар за политички прашања, Џефри Фелтман обрати внимание на тоа дека Иран е осомничен за снабдување со оружје на властите на Сирија со што се крши одлуката на Советот за безбедност. Од друга страна, пак, светските медиуми пишуваа за снабдување со оружје на сириската опозиција од страна на Катар и Саудиска Арабија.
Според портпаролот, генералниот секретар на ОН, исто така, ја повикал иранската влада „да влијае врз сириската влада веднаш да запре со насилството и да создаде услови за воспоставување дијалог на доверба“.
Осврнувајќи се на иранското нуклеарно прашање, Бан Ки-Мун му соопштил на иранското раководство дека внимателно и одблиску ги следи преговорите меѓу Техеран и „шеската“ земји преговарачи и побарал од Иран конкретни чекори за надминување на загриженоста на меѓународната заедница.
Во„шестката“ земји кои преговараат со Иран, влегуваат петте земји постојани членки на Советот за безбедност на ОН и Германија. Тие се обидуваат да добијат од Иран објаснувања за природата на неговата нуклеарна програма.
Самитот на Движењето на неврзаните во Техеран на кој учество земаа челниците на околу 120 земји, беше отворен во понеделникот, а ќе заврши во петок. Според странските медиуми, САД и Израел се обидувале да го спречат учеството на Бан Ки-Мун, особено, затоа што Иран е под меѓународни санкции поради неговата нуклеарна програма./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.