Македонија
Засилени контроли и санкции за заштита од пожарите
Засилени контроли на критичните точки, авионско и хеликоптерско следење за да се лоцираат причинителите на пожарите и критичните точки и активно вклучување на редовниот полициски состав на МВР, најави Владата за да се превенираат пожарите.
Моментално се активни пожарите во Јасен, Радуша и Чашка, а најчест предизвикувач на пожарите е човекот.
Според информациите на Владата, најчести причини се несовесното палење на пасишта и стрништа, се подметнуваат за да се прикрие нелегалната сеча на дрва и има случаи кога пожарите се подметнуваат со цел по нивното гаснење да се појави саморастечката печурка Смрчак, која е ретка и на пазарот постигнува високи цени.
Истовремено Владата ги задолжи Дирекцијата за заштита и спасување, Министерството за земјоделство, шумарство и водостопанство, Државен инспекторат за шумарство и ловство и Шумска полиција да ги зајакнат контролите во реонот околу Македонски Брод, Скопје и Тетово.
За да се спречи палењето за да никнат печурките Смрчак, владата воведе забрана за берење и откуп на печурки од родот Смрчак, која ќе важи до 5 септември.
„Владата покрај воведената забрана за палење на пасишта, донесе одлука, во случај на појава на пожар од палење на пасишта, ЈП за Пасишта да ги раскине договорите за закуп на пасиште на оние локации каде ќе се причинат пожари. Закупците на пасишта треба добро да ја почитуваат оваа мерка, во спротивно следи раскинување на договор за закуп на пасиште“ изјави владиниот портапрол, Александар Ѓорѓиев.
Останува да важи забраната за движење низ шумите./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
Ариепископот Охридски и македонски заедно со Светиот архиерејски Синод, по повод велигденските празнувања, испраќа мир и благослов од Бога до свештенослужителите, монаштвото и до сите чеда на МПЦ-ОА.
– Христовото воскресение е смислата на нашето севкупно постоење. Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата, вели г.г. Стефан меѓу другото во обраќањето.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.