Македонија
Ловџиите го хранат дивечот
Поради ниските температури и снежната покривка, дивечот тешко се прехранува, а за да не умре од глад членовите на ловното друштво „Руен“ извршија прихранување во три ловишта: Отовица ,Караслари и Грнчиште.
Поради ниските температури и снежната покривка, дивечот тешко се прехранува, а за да не умре од глад членовите на ловното друштво „Руен“ извршија прихранување во три ловишта: Отовица ,Караслари и Грнчиште. Неколкумина ловџии откако прво подигнаа 1.200 килограми кршок од пченица, пченка и јачмен, од амбарот во Иванковци, се упатија кон ловиштата рамномерно распределувајќи ја прехраната за животните. „Храната ќе се фрла дел по дел во ловиштата, со цел да не избега дивечот од овој регион. Ако не ги прихрануваме, постои опасност тој да не се снајде со храна и да изумре. Затоа ова е редовна постапка која се практикува секоја година“, вели Ивица Стојчев, ловџија од ловното друштво „Руен“.Велешките ловџии прво направија хранилки со гранки и лисја и таму ја поставија храната, за и во случај да падне нов снег дивечот да може да ја види храната. Со ваквиот начин и со овој вид храна, се прехранува ситниот дивеч. Во ловиштата околу Велес тоа се птиците и зајаците.„Ова што го правиме се хранилки за еребица и за зајак. Овие ловишта се богати со овие животни и се надеваме дека храната добро ќе им дојде за да ја поминат зимата“, вели ловџијата Ване Нанов.Посебно се избрани и локациите, тоа да биде до обработливо земјиште каде не поминуваат стада овци или друг добиток.„Истураме каде што има блокови, оти до нив овчарите не смеат да ги тераат овците. Ако ставиме подалеку, стадата ќе ја однесат храната. Вака ќе трае подолго дури и до 20-тина дена“, рече Владо Величковски.Велешките ловџии велат дека оваа акција нема да биде последна. Дивечот во ловиштата ќе се прехранува во текот на целата зима./крај/мф/дм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.