Свет
Јапонија ќе издвои 150 млн. долари за Палестинците
Јапонија ќе издвои 150 милиони долари помош за Палестинците, со цел да придонесево мировните напори на Блискиот Исток, официјално е соопштено.
Јапонија ќе издвои 150 милиони долари помош за Палестинците, со цел да придонесе во мировните напори на Блискиот Исток, официјално е соопштено. „Се укажуваат историски можности за остварување на мировниот процес“, изјави јапонскиот министер за надворешни работи Масахико Комура. „Сакаме да придонесеме во формирањето на палестинска држава“, додаде Комура, истакнувајќи дека парите ќе бидат наменети за образовниот и здравствениот систем. Околу 90 дипломатски претставници денеска ќе се состанат во Париз со цел финансиски да им помогнат на Палестинците во формирањето на нивната држава. Донаторите на конференцијата планираат да соберат 5,6 милијарди евра, колку што бара палестинската Влада./макфакс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.