Црна хроника
Шестгодишно дете и двајца возрасни тешко повредени во сообраќајка со возило кое го управувал малолетник
Шестгодишно девојче и уште две лица се тешко повреди во сообраќајна несреќа што се случила во понеделникот попладне кога нивното возило се судрило со друго возило коешто го управувал малолетник.
Според информациите од МВР, несреќата се случила во 13.45 часот на локалниот пат за село Фалиш – Тетово, кога се судриле автомобил „форд“ со тетовски регистарски таблички со којшто управувал седумнаесетгодишен тетовец, и автомобил „опел вектра“ управувано од триесет и шестгодишен жител од тетовското село Стрименица. Во несреќата со тешки повреди се здобиле возачот и уште една сопатничка, кои од тетовската болница биле пренесени на скопските клиники. Девојчето се здобило со скршеница на рамото и е задржана во тетовската болница на натамошно лекување. За натамошно лекување во тетовската болница задржани се уште три сопатници од истото возило, на возраст од 30, 32 и 37 години кои се здобиле со телесни повреди. Увид на местото на настанот извршила екипа од ПС за БПС Тетово./крај/мф/
Извор: Макфакс архива
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.