Македонија
Софтвер ќе се бори со семинарските и магистерските – плагијати
Министерот за образование и наука, Никола Тодоров најави воведување на софтвер кој ќе овозможи брзо и лесно пронаоѓање трудови кои се плагијат на веќе објавени, оценувани или презентирани трудови.
Министерот за образование и наука, Никола Тодоров најави воведување на софтвер кој ќе овозможи брзо и лесно пронаоѓање трудови кои се плагијат на веќе објавени, оценувани или презентирани трудови. Системот ќе користи напредни техники, мапирање на текстовите и ќе работи со документи напишани на македонски, албански, англиски и други јазици и ќе чини околу 1.200.000 денари. Во системот ќе бидат внесени сите досегашни трудови во електронска форма кои ги има добиено министерството и истиот, според Тодоров, ќе почне да функционира за околу шест месеци.„Корисници на системот ќе бидат сите студенти и истражувачи на универзитетите во земјава во улога на автори на трудови за кои ќе се утврдува дали се плагијати. Во системот ќе се внесуваат сите трудови од семинарски работи на студентите преку дипломски, магистерски и докторски дисертации и научни и стручни трудови, па се’ до универзитетски скрипти и учебници“, рече Тодоров.Со развивањето на овој софтвер би требало да се прекине повеќедецениската лоша практика во високото образование и да се оневозможи објавување трудови кои се плагијати и објавување книги и учебници кои во себе содржат делови кои не се изворно дело на авторот на трудот. /крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Конфликтите во Владата ја потврдуваат нејзината неспособност, велат од СДСМ
Снопче и Мицкоски, заедно со Таравари треба да седнат и да работат нешто за граѓаните а не да се расправаат, велат од СДСМ.
Според опозициската партија владата функционира само кога треба да се договорат како да ја партизираат државата и делат привилегии, за се друго е целосно нефункционална.
„Наместо да владеат во интерес на народот, тие го блокираат напредокот, ги одложуваат реформите и создаваат атмосфера на неизвесност и поделеност.
Граѓаните очекуваат мерки за справување со скапиот живот, очекуваат повисоки плати, проекти, а тие се расправаат преку медиуми. Ова ја потврдува реално нивната неспособност.
Воопшто не е важно дали конфликтот е реален или не, тој на крај резултира со слаба Влада која ги злоупотребува чуствата на граѓаните.
Овие конфликти внатре во Владата и постојани јавни препукување не се непознати, тоа го правеа ВМРО-ДПМНЕ и ДУИ во цел мандат“, оценуваат од СДСМ.
Како што нагласуцваат од СДСМ, во јавност се караа на маса ги делеа бизнисите. Но, додаваат, ВМРО-ДПМНЕ поинаку и не знае да владее освен да одржува некоја тензија постојана што е огромна штета за граѓаните.
Македонија
Муцунски на одвоени средби со министрите за надворешни на Литванија и Мароко: во фокусот поддршката на патот кон ЕУ и економската соработка
За време на одржувањето на 79-тото Генералното собрание на Обединетите Нации, министерот за надворешни работи Тимчо Муцунски, на маргините од ГС, имаше одвоени средби со министерот за надворешни работи на Република Литванија, Габриелиус Ландсбергис со министерот за надворешни работи, африканска соработка и иселеништво на Кралството Мароко, Насер Бурита.
На средбата со литванскиот колега беше искажано заемно задоволство од развојот на билатерални односи, кои двете пријателски земји во континуитет ги негуваат во изминатиот три-децениски период. Од двете страни беше нагласена подготвеност за натамошно унапредување на меѓусебното пријателство и партнерските односи, преку продолжување на интензивниот политички дијалог на сите нивоа.
Министерот Муцунски се заблагодари на континуираната и искрена поддршка на Литванија за евроинтегративните напори на Македонија, нагласувајќи дека земјава е целосно подготвена за започнување преговори за членство во ЕУ, при што тој ја поздрави одлуката за отворање на канцеларија на Литванија во Скопје, која е уште една силна потврда за блиските и пријателски билатерални односи и за заложбите за нивно натамошно унапредување.
Министерот Ландсбергис изрази уверување дека Литванија и во наредниот период ќе продолжи да биде силен поддржувач на нашите евроинтеграции.
На средбата со министерот за надворешни работи, африканска соработка и иселеништво на Кралството Мароко, Насер Бурита, беше нагласен позитивниот развој на односите меѓу двете пријателски држави, како на билатерален, така и на мултилатерален план. Во тој контекст беа разменети и мислења за актуелните меѓународни прашања, како и за регионалните теми, вклучително и надворешно-политички приоритети и состојби во непосредното опкружување на двете земји.
Фокусот на двете средби беше ставен и на понатамошното продлабочување на билатерелната соработка, со посебен акцент на зајакнување на економските релации помеѓу двете земји.
Македонија
Организациска директорка на Токсикологија обвинета за злоупотреба на службена положба
Јавен обвинител од Основното јавно обвинителство Скопје поднесе Обвинителен предлог против едно лице за кривично дело – Злоупотреба на службена положба и овластување од член 353 став 1 од Кривичниот законик.
Обвинетата, во својство на организациски директор на Јавна здравствена установа – Универзитетска клиника за токсикологија, ги пречекорила своите службени овластувања со намера да овозможи противправна имотна корист за 17 лица. Постапувајќи спротивно на Законот за спречување корупција и судир на интереси, Изборниот законик и Законот за здравствена заштита во мај годинава склучувала договори за дело со лицата за нивно работно ангажирање на Клиниката, по што ретроактивно издавала платни налози со кои им исплаќала месечен надомест за нивен претходен наводен работен ангажман. На списокот додавала и лица со кои воопшто не бил склучен договор за дело и на кои исто така им се исплаќал надомест за наводно извршени работи. На овој начин буџетот на Клиниката бил оштетен за сума од 659.781 денар, а истовремено на ангажираните лица им била овозможена противправна имотна корист, извести Обвинителството.