Македонија
Образложение на оставките
Министрите за образование Перо Стојановски, за земјоделство Ацо Спасеновски, и неговиот заменик Христијан Делев во средата дадоа оставки на своите
Министрите за образование Перо Стојановски, за земјоделство Ацо Спасеновски, и неговиот заменик Христијан Делев во средата дадоа оставки на своите функции.
Претходно неотповиклива оставка даде вицепремиерот за евроинтеграции Ивица Боцевски, а министерот за финансии Трајко Славески е разрешен од функцијата.
Во тивката реконструкција на владата Славески најави дека на собраниската седница на која ќе биде констатирано неговото заминување ќе го искористи правото да каже што и како работел.
Првиот човек на образованието во својата оставка на пет страници, ја образложува својата работа и констатира дека за жал и покрај силната и искрена желба не успеал во залагањата за деполитизација на образовните институции, како и за отстранување на политиката од училиштата“.
Министерот за земјоделство Спасеновски во својата куса неотповиклива оставка пишува дека ја дава почитувајќи го договорот меѓу премиерот и претседателот на СПМ за неговото натамошно ангажирање. Неговиот заменик Делев заминува од лични причини.
Вицепремиерот за евроинтеграции Боцевски, кој отстапи претходно, во неотповикливата оставка адресирана до премиерот вели дека неговиот придонес во актуелната влада целосно е исцрпен.
Во групата високи функционери кои го напуштаат кабинетот на Груевски е и генералниот секретар на Владата, Стојан Тодоров.
Јавноста очекува повеќе информации за оставките и смените во владата, кои најверојатно ќе ги добие на утрешната седница на Собранието, на која треба да бидат разрешени и именувани членови на владата./крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Маричиќ-Стевановиќ: На Собранието му требаат современи патриоти и борци за еднаквост, права и слободи
Во заедничката изјава за медиумите, Милена Стевановиќ и Бојан Маричиќ од листата на кандидати за пратеници во Изборната единица 1, порачуваат дека „реформите ни носат системски промени и европски фондови“, но и „демократски вредности со кои се пробиваат границите за еднакви можности за жените како докажана заложба на СДСМ.
Милена Стевановиќ во својот дел на изјавата истакнува дека „СДСМ, Ковачевски, Пендаровски, Маричиќ и другарите социјадемократи се оние кои со знаење и капацитет можат да ја придвижат земјата напред“.
„Нам ни требаат луѓе како Бојан. Со исклучително познавање на институциите на ЕУ, со чиста и прогресивна мисла, вистински современи патриоти кои додека ја внесуваат земјата во ЕУ го штитат и промовираат македонскиот идентитет“, истакнува Стевановиќ.
Tаа ги повикува сите македонски демократи „во среда на 8 мај сите кои се за подобра, современа и демократска Македонија да го заокружат бројот 1 за европска Македонија“.
Бојан Маричиќ ја посочува Милена Стевановиќ како „претставник на прогресивното женско движење“.
Маричиќ порачува дека со Стевановиќ, Македонија и македонското општество ќе имаат „напредок на полето на јавното здравје, на полето на женското здравје и машкото здравје“.
„На Собранието и треба Милена Стевановиќ, врвен професионалец кој го предводеше целиот тим на инфективната криза за време на пандемијата од ковид и која во исто време се докажа како храбар и непоколеблив борец за постојано унапредување на правата на жените“, истакнува Маричиќ.
Порачува дека е важен гласот на жените, девојките, демократи и демократки.
„Вашиот глас за СДСМ и за Милена Стевановиќ на овие избори е глас за жените како еднаква силна движечка сила на општеството“, нагласува Маричиќ во заедничката изјава со Милена Стевановиќ, како кандидати за пратеници на СДСМ и на Коалицијата за европска иднина во изборната единица 1.
Македонија
Сообраќајка на патот Радовиш – Штип, сообраќајот во прекин
Од 18:05 ч. сообраќајот на магистралниот пат Радовиш – Штип, во близина на „Алкопласт“, е во прекин поради сообраќајна незгода, соопшти АМСМ.
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Владата ќе ја одбележи 121 годишнината од смртта на Гоце Делчев
Владата на Република Северна Македонија, на 04.05.2024 година (сабота), ќе ја одбележи 121 годишнината од смртта на Гоце Делчев со положување свежо цвеќе на неговото вечно почивалиште, во црквата „Св.Спас“,Скопје.
По тој повод, во 10:30 часот, свежо цвеќе ќе положи претседателот на Република Северна Македонија, Стево Пендаровски, владина делегација предводена од Славјанка Петровска, министерка за одбрана во Владата на Република Северна Македонија, Каја Шукова, министерка за животна средина и просторно планирање во Владата на Република Северна Македонија.