Свет
Одговорните за нафтениот разлевање во САД треба да се реформираат
Компаниите, вмешани во несреќата со нафтеното разлевање во Мексиканскиот Залив – „Бритиш петролеум”, „Халибартон” и „Трансоушн”, имаат потреба од целосна реформа, изјави денеска висок член на независната комисија за истражување на причините за несреќата Вилијам Рајли.
Рајли, копретседател на седумчлената комисија назначена од претседателот Барак Обама, смета дека имало избрзани дејства при дупчење на нафтениот извор.
„Се прашувам каков бил мотивот што ги поттикнал луѓето да не чекаат бетон со подобар квалитет”, рече Рајли.
Комисијата, која денеска во Вашингтон даде извештај за својата работа, уште минатиот месец сигнализираше дека квалитетот на бушилицата испорачан од “Халибартон” е слаб и е една од причините за инцидентот на 20 април.
При експлозијата на нафтената платформа „Дипвотер Хорајзон“ (Deepwater Horizon) загинаа 11 лица и ова беше најголемото нафтено разлевање во САД.
„Се чини дека на оваа платформа воопшто немало култура на безбедност … а таа треба да биде на највисоко ниво”, рече Рајли, поранешен шеф на агенцијата за заштита на животната средина при Претседателството на Роналд Реган./крај/рој/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.