Македонија
Како работела Франкфуртската мафија?
Во полициската акција „Диригент“ запленети се 14 луксузни автомобили, повеќе од 50.000 евра, утврдени трансфери од 265.000 евра кои се пронајдени кај триесетината осомничени за кои се смета дека се дел од „Франкфуртска мафија“ која продавала хероин во Австрија и Германија.
Во целокупната акција која се одвиваше во четири града Скопје, Гевгелија, Велес и Свети Николе учествувале 377 полицајци, а дополнително се запленети голем број на документи, компјутери кои ќе бидат анализирани.
Карактеристично за групата која работела во Виена и Германија е тоа што се разликувале од албанските и црногорските групи бидејќи биле таинствени, не паѓале во очите на полицијата, и покрај парите што ги заработувале, истите не ги трошеле во казина и барови.
„Организаторите ги испраќале младите луѓе во Виена со добро објаснети задачи, ги прифаќа друга група која ги сместува во одредени станови и покрај заработувачката се различни од албанските и црногорските групи затоа што не одат по казина, не се пијанчат по барови ,не паѓаат во очи на полицијата премногу се таинствени и не е забележана измама или нелојалност према наредбите“, вели Љупчо Тодоровски, директорот за јавна безбедност.
Тој додава дека не се работи за страв туку за таинственост, млади луѓе кои добиваат задачи само за еден процес, односно кога ќе пристигнат во станот го делат хероинот по грамови, го оставаат на адресата каде што му е речено, потоа доаѓа друг кој го зема и го носи на дилерите.
„Поднесени се 10 кривични пријави од кој осум се приведени во Австрија и Германија, а по две лица уште се трага. Се работи за македонски државјани на возраст од 18 до 53 години кои организирале меѓународен канал за криумчарење на хероин на улиците во Франкфурт и Виена“, рече Гордана Јанкуловска, министер за внатрешни работи.
Штефан Турнер од полициското аташе на амбасадата Австрија рече дека австриските полицајци уапсиле 69 македонски државјани за кои се одредени и повеќе годишни казни затвор и додаде дека македонските полицајци достигнале едно такво ниво кое што Австрија уште го нема постигнато со некои свои европски партнери. /крај/мт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На ден пред двојните избори гласаат болните и изнемоштените лица, затворениците и дијаспората
Денес своето право на глас први ќе го остварат болните и изнемоштените лица, како и затворениците во казено-поправните домови во државата.
Од Државната изборна комисија информираа дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.
Освен изнемоштените и затворениците, денес своето право на глас ќе го остварат и пријавените македонски државјани од дијаспората, но единствено за претседателските избори. Гласање за парламентарните избори во дијаспората нема да се спроведе поради недоволен број пријавени.
На овие парламентарни избори поднесени се 17 кандидатски листи, за парламентарните избори од кои 16 на политички партии и коалиции и една од група избирачи. На изборите учествуваат 61 партија. Од нив, 11 самостојно, а 50 во пет коалиции.
На вториот круг од претседателските избори право на глас имаат 1.814.317 избирачи, а на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство. Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи.
Македонија
Акредитирани 1078 домашни и 770 странски набљудувачи за изборите
За вториот круг од претседателските избори и парламентарните избори на 8 мај акредитирани се вкупно 1999 набљудувачи, преведувачи и странски новинари. Најмногу акредитирани се домашни набљудувачи – 1078. Изборите ќе ги следат и 770 странски набљудувачи за чии потреби се ангажирани и 85 преведувачи.
За известување од изборите, акредитирани се 66 странски новинари, меѓу кои и од Ројтерс, Асошиејтед прес, Ал Џезира и Франс прес.
Најмногу домашни набљудувачи акредитирало Здружението за развој на општествено – социјални иновации „ВАКЕ УП“ Скопје – 752, потоа Фондација Ромите за демократија – 151, Цивил – 82, Центарот за безбедносни истражувања – 46, Институтот за меѓународни односи и стратегии Охрид – 20, Националниот ромски центар Куманово – 14, Здружението за промоција и развој инклузива Куманово – 12 и Македонскиот центар за културен развој – еден набљудувач.
Специјалната мисија за проценка на изборите на ОБСЕ/ОДИХР има акредитирано 410 набљудувачи, 14 експерти и 31 преведувач, најмногу од странските набљудувачи. Парламентарното собрание на ОБСЕ (OSCE PA) има акредитирано 138 набљудувачи, Амбасадата на Соединетите американски држави во Скопје – 68 набљудувачи и 33 преведувачи, Парламентарното собрание на Советот на Европа – ад хок комисијата за набљудување на претседателските избори во Република Северна Македонија – 33 набљудувачи и 20 преведувачи, Иницијативата за дијалог и демократија Силба 30, Централната изборна комисија – Република Косово – 13, Европскиот парламент – 12 и други.
Македонија
Бојан Јовановски: Повикан сум на информативен разговор во полиција, ова е директен притисок и обид за цензура
Бојан Јовановски – Боки 13 соопшти дека денеска во 10 часот е повикан на информативен разговор во П.С Кисела вода (Пролече) во врска со пријава за загрозување на безбедност согласно член 144 од КЗ.
„Ова го чувствувам за директен притисок и обид за цензура од страна на засегнатите лица во врска со мојот настап кај „Лазаров“!“, објави Бојан Јовановски.
Јовановски претходно вчера објави дека веќе неколку дена е цел на закани и притисоци со цел да го откаже второ гостување на поткастот.