Свет
ЕВН докупи 19,9 отсто од „ЕСМ Дистрибуција“
Австриската компанија ЕВН од вчера е сопственик на 90 отсто од акциите во „ЕСМ Дистрибуција“ .
Австриската компанија ЕВН од вчера е сопственик на 90 отсто од акциите во „ЕСМ Дистрибуција“ . Преку блок-трансакција на Македонската берза Австријцте купија 2.971.450 акции од македонската електроенергетска компанија, што претставува 19,9 отсто од вкупниот капитал. За една акција ЕВН плати 1.024 денари. Компанијата вкупно одвои околу 49 милиони евра.
Во април минатата година оваа компанија за 175 милиони евра преку блок-трансакција стана сопственик на 70,1 отсто од капиталот во „Дистрибуција“.
Овие акции во текот на продажбата на „ЕСМ Дистрибуција“ беа резервирани за Европската банка за обнова и развој (ЕБРД), на која пред приватизацијата и’ беше дадена можност дадениот кредит да го наплати со негово претворање во акции. Вчерашната трансакција практично следува по одлуката на ЕБРД да не ги задржи акциите за претходно одобрениот кредит на старото „Електростопанство на Македонија“ во износ од 45 милиони евра.
При влезот на ЕВН во „ЕСМ Дистрибуција“ беа уплатени 225 милиони евра колку што купувачот понуди на тендерот, но 50 милиони евра беа одвоени на посебна сметка во Народната банка на Македонија. Рокот од шест месеци во кој ЕБРД требаше да одлучи за акционерски удел во „ЕСМ Дистрибуција“ истече во октомври. Европската банка пред приватизацијата се изјасни дека нема да бара претворање на заемот во акции, туку враќање на долгот ако продажната цена за акција биде превисока.
ЕБРД одобри кредит од 45 милиони евра за подготовка на приватизациската постапка на ЕСМ, но беа повлечени 20,25 милиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во нападот врз Бејрут најмалку 12 лица загинале, а 66 се повредени
Либанското Министерство за здравство соопшти дека најмалку 12 лица загинале а 66 се повредени, од кои девет се во критична состојба, во денешниот изралески напад врз Бејрут.
Вчерашниот израелски напад врз Бејрут следеше откако Хезболах истрела ракети на северот на Израел и во време кога се очекува одмазда во тој регион, бидејќи лидерот на таа шиитска организација Хасан Насрала се закани за овонеделните експлозии на илјадници пејџери и токи-воки.
Јужните предградија на Бејрут биле нападнати за време на сообраќајниот метеж, кога вработените се враќале од работа, а учениците од училиште.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.