Свет
„Повардарје" бара ист третман како „Тиквеш"
Во Владата, пак, нагласуваат дека проблемите во „Тиквеш" и во „Повардарје" се од различен карактер, но се оптимисти дека за десетина дена исплатата на грозје ќе почне и во Неготино
Лозарите од Тиквешијата ќе си ги добијат парите за предаденото грозје
Во Владата, пак, нагласуваат дека проблемите во „Тиквеш" и во „Повардарје" се од различен карактер, но се оптимисти дека за десетина дена исплатата на грозје ќе почне и во Неготино
АЛЕКСАНДРИЈА СТЕВКОВСКА
Менаџерскиот тим на "Повардарје" и претставници на лозарите би можеле да се сретнат веќе неделава со заменик-министерот за земјоделство, Санде Џамбазовски, со цел да се најде решение за проблемите на неготинската винарска визба, соопшти вчера Владата. Повикот за средба, која ја барале неготинци, доаѓа по реакциите и забелешките дека државата му помогна на "Тиквеш" да го реши проблемот со лозарите, блокадите и исплатата на грозјето од минатогодишната реколта, некоректно постапувајќи спрема "Повардарје", за што обвинија неготинските лозари. Тие се револтирани од привилегиите кон тиквешките лозари кои ги обезбедува Владата, додека тие едвај се борат за гол опстанок, со оглед на тоа дека дел од нив две години немаат земено ниту денар за произведеното и предаденото грозје. Кон незадоволството на лозарите се приклучува и раководниот тим, кој имаше неколку средби со премиерот Владо Бучковски, барајќи обезбедување поволни кредитни средства заради исполнување на обврските спрема кооперантите. "Повардарје" досега не добило никаква помош или ветување за помош за излез од тешката ситуација.
Во Владата, пак, велат дека веќе десетина дена се обидуваат да им помогнат на новите сопственици на Винарската визба "Повардарје" од Неготино. "Тие, заедно со градоначалникот на Неготино, на 10 февруари имаа средба со премиерот Владо Бучковски, на која беа договорени предлог-мерки за санирање на финансиската состојба на компанијата, пред сў, во поглед на долговите спрема Управата за јавни приходи и Фондот за пензиско и инвалидско осигурување на Македонија", соопштуваат од Владата.
Притоа, како што нагласуваат, проблемите во ВВ "Тиквеш" и ВВ "Повардарје" се од различен карактер.
Сепак, во Владата се оптимисти и очекуваат во следните десетина дена сопствениците на "Повардарје" од Неготино да почнат со исплата на грозјето од реколтата за 2005 година.
"Од преземените 13 милиони килограми грозје минатата година, досега имаме исплатено само 15 отсто поради тоа што ги исплаќавме заостанатите рати за исплата на грозјето од реколтата од 2004 година. Сепак, иако се наоѓаме во исклучително тешка положба и покрај нашите апели дека државата треба да ни помогне, досега ништо не е направено. Ситуација уште повеќе се влоши со помошта која Владата Ј ја даде на ‘Тиквеш’ преку гаранциите на тамошната локална самоуправа дека сето грозје ќе биде исплатено до 15 март. Кооперантите на ‘Повардарје на тој начин се најдоа во нерамноправна положба и ваквата владина одлука е некоректна спрема ‘Повардарје’", вели првиот човек на оваа винарска визба, Ѓорѓи Бебеџаков.
"Повардарје" бара да го има истиот третман како "Тиквеш", бидејќи поради големите долгови не може да обезбеди поволни кредити, објаснува Бебеџаков. Според него, "Повардарје" се воздржало од какви било уцени и агресивни барања за помош, но произлегува дека "Тиквеш" повторно го добил тоа што му било неопходно да ги реши финансиските проблеми, а "Повардарје" останало со куси ракави.
"Повардарје" им должи на лозарите над 2 милиона евра за минатогодишното грозје, а има и мал долг спрема росоманските производители на грозје од предминатата година. Работно тело составено од Здружението на производители на здрава храна "Ековита" и од винарската визба бараат итна средба со претставник на Владата заради решавање на проблемите со неисплатеното грозје.
Потребата од државна поддршка за лозарите ја нагласија и дел од пратениците, членови на собраниската Комисија за земјоделство. Дел од нивните предлози се однесуваат на директна финансиска помош преку исплата на предаденото грозје од реколтата од 2005 година и регрес за нафтата што се употребува во лозарството, но и механизми за дестилација на 20 милиони литри вино што се вишок и за кои не е обезбеден пласман.
Според претседателот на оваа комисија, Марјан Ѓорчев, цената на грозјето е иста од 1993 година, а трошоците за производство се драстично зголемени. "Во 1993 година ‘смедеревка’ чинеше седум, а ‘вранец’ се продаваше по 12 денари. Една вреќа вештачко ѓубре беше 250 денари, а литар нафта 9,5 денари. Даночните стапки за лозови калеми, ѓубре, заштитни препарати и други репроматеријали изнесуваа пет отсто. Денес, литар нафта чини 50 денари, вреќа ѓубре 800, ДДВ е 18 проценти, само цената на ‘смедеревката’ и на "’вранецот’ е иста", вели Ѓорчев.
Од производството на вино и грозје во земјава се обезбедува над 40 милиони евра годишен прилив. Партиципацијата на лозарството и винарството во Буџетот за 2005 година по основа на приходи од акцизи, ДДВ, фитосанитарни такси е над две милијарди денари, или над 30 милиони евра.
Во информацијата за економската и социјалната положба на производителите на грозје, која беше на дневен ред во Комисијата за земјоделство, се вели дека во Србија и Црна Гора подигањето нови лозови насади се поттикнува со од 230 до 2.300 евра по хектар зависно од сортата, во Бугарија со 750 евра, а Хрватска за оваа намена одвојува по 3.800 евра за единица површина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се активираа сирените во Ерусалим по „лансирање од Либан“
Сирените за воздушен напад се огласија на периферијата на Ерусалим и окупираниот Западен Брег, според израелските апликации за предупредување.
Израелската војска соопшти дека тие биле предизвикани од „лансирање од Либан кон израелска територија“.
🚨Sirens sounded in the area of Jerusalem following a launch from Lebanon into Israeli territory🚨 pic.twitter.com/z7IALlaPRN
— Israel Defense Forces (@IDF) September 28, 2024
Видеа веќе се појавија на социјалните мрежи и на нив се слушаат звуци од сирените, а се гледа и чад.
BREAKING: Rockets fired from Lebanon hit the colonial Israeli settlement of Ma'ale Adumim, east of occupied Jerusalem. pic.twitter.com/wb0z3H939v
— Quds News Network (@QudsNen) September 28, 2024
BREAKING | Explosions heard in the vicinity of occupied Jerusalem. pic.twitter.com/6MS1HY6zbS
— The Cradle (@TheCradleMedia) September 28, 2024
Scenes from the Ma'ale Adumim settlement near Occupied Jerusalem pic.twitter.com/zwF50FrQGC
— Suribelle (@Syribelle) September 28, 2024
Според израелските медиуми, околу Ерусалим има целосно затемнување како резултат на ракетниот напад на Хезболах.
Повеќе детали очекуваме наскоро.
Свет
Нетанјаху: Насралах беше главниот мотор на иранската оска на злото
Бенјамин Нетанјаху даде изјава по убиството на лидерот на Хезболах Хасан Насралах.
Израелскиот премиер рече: „Државата Израел вчера го уби главниот убиец Хасан Насралах. Се пресметавме со одговорните за убиството на безброј Израелци и многу граѓани на други земји, вклучително и стотици Американци и десетици Французи. Насралах повеќе не беше терорист, тој беше терорист. Тој беше оската на оската, централниот мотор на иранската оска на злото“.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.