Македонија
Корупцијата најзастапена во судството, администрацијата и царината
„Од согледувањата од аналитиката, корупцијата најмногу се појавува во правосудството, царината и администрацијата, но сепак ја има во сите области и тоа е загрижувачки“, изјави денеска претседателот на Антикорупциската комисија, Илми Селами
На третата годишна конференција за оценка на остварувањето на Државната програма за превенција и репресија на корупција, која што се одржа денеска во Скопје беше заклучено дека е потребно да се анимираат сите чинители во државата и општеството и активно да се вклучат во процесот на борбата против корупцијата.Селами рече дека е потребно отварање на широк фронт против корупцијата за борбата да биде успешна.Слаѓана Тасева од Транспарентност-нулта корупција, рече дека се уште не се спроведуваат доволно активностите за борба против корупцијата. Според неа треба да се подобри соработката меѓу институциите за да се зајакне ефикасноста на борбата против корупцијата.„Ги гледаме истите проблеми што ги гледавме уште кога почна да работи Државната комисија за спречување на корупција, што значи дека се уште треба да се подигне капацитетот на институцијата. Ги донесовме законите во Република Македонија, имаме многу добра правна рамка на борба против корупцијата, но се уште треба да се подобрува ефикасноста“, изјави Тасева.Слабоста на антикорупциска според Тасева, е тоа што оваа институција не може сама да ја остварува борбата против корупцијата. Борбата мора да се води во рамки на повеќе сектори и не само преку репресија туку преку превенција и градење на механизми за заштита.За министерот за правда Михајло Маневски, направен е прогрес во борбата против корупцијата, пред се како што рече во јакнењето на капацитетот на институциите. Маневски изјави дека од големо значење за борбата против корупцијата е законската рамка која постојано се надоградува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.