Македонија
Бесими: Без разлика на исходот во Чикаго, НАТО останува приоритет
Без разлика на исходот на НАТО-самитот во Чикаго, нема да има промени во нашите заложби за евроатланското интегрирање, вели министерот за одбрана Фатмир Бесими, кој во средата ја отвори тркалезна маса „Македонија, Регионот и Евроатланските интеграции“.
Без разлика на исходот на НАТО-самитот во Чикаго, нема да има промени во нашите заложби за евроатланското интегрирање, вели министерот за одбрана Фатмир Бесими, кој во средата ја отвори тркалезна маса „Македонија, Регионот и Евроатланските интеграции“.
Бесими вели дека работата на реформите и заложбите за членство во НАТО не се поврзани директно со самитот во Чикаго.
„Секој ден работиме на тоа до Чикаго и по Чикаго. Независно дали на тој ден ќе има проширување или не, веќе Република Македонија има отворена покана. Доколку се реши политичкото прашање меѓу Македонија и Грција, независно од самитите, тоа може да се формализира согласно процедурите на НАТО и земјите-членки за ратификација во одредени држави. Меѓутоа, тоа е ситуација која е позната за нас. Ние работиме на оваа тема. Чикаго е една добра симболика, доколку тоа се постигне на тој ден. Меѓутоа, тоа нема да ги промени нашите позиции и заложби за евроатланска интеграција“, изјави Бесими.
Едно од можните сценарија на самитот, според поранешниот министер за одбрана Трајан Гоцевски, може да биде, како што ја нарече – врзана одлука за прием, односно покана на членство да биде врачена со одреден рок за надминување на спорот со името.
„Република Македонија да добие рок за кој ќе треба да се реши проблемот наметнат од Грција, а Република Македонија да го добие документот како покана и да го отпочне процесот на интегрирањето во НАТО. Знаеме дека по добивање на поканата Грција има можност да нé блокира уште во три-четири наврати, бидејќи документот за интеграција подлежи на прифаќање од владите на сите земји-членки, потоа мора да го прифатат парламентите и на крајот претседателите на државите треба да го потпишат тој документ. Значи Грција има можност Македонија на некој начин да ја присилува побрзо да го реши тој проблем, но европски и цивилизациски е Република Македонија да ја добие поканата, бидејќи мојата процена е дека на долга патека неинтегрирањето во НАТО и во ЕУ може да предизвика поприлично тензии во регионот“, рече Гоцевски.
За екс-министерот за одбрана Владо Бучковски, работите зависат од Македонија. Бара државното раководство да покаже активна политика и иницијатива и да понуди издржано решение.
„Јас сум убеден, ако постои подготвеност од наша страна да понудиме решение коешто би било издржано, дека чудата се можни“, вели Бучковски.
Според холандската амбасадорка Мариет Шурман, која заедно со амбасадорите на земјите-членки на НАТО учествуваше на денешната конференција, важно е од вид да не се изгуби целта за попросперитетен и подобар живот преку интегрирањето во евроатланските структури.
„Важно е да не ја изгубиме од вид целта. На крајот, целта е подобар, попросперитетен и безбеден живот за сите граѓани на оваа земја, на регионот, Европа и на светот. Да, подобриот свет почнува од дома. Почнува со реформите што Македонија ги презема, вклучувајќи ги одбранбените реформи, но и напорите во однос на регионална соработка и добрососедските односи очигледно се важни. Учеството на Македонија во мировните мисии низ светот се високо ценети“, рече Шурман. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Уапсен врховен судија поради сомненија за примање поткуп
Врховниот судија Наке Георгиев е уапсен поради сомнеж за примање поткуп.
„Денеска 20 мај, лишен од слобода е судија од Врховниот суд поради сомневања за сторено кривично дело Примање награда за противзаконито влијание. Судијата е лишен од слобода на лице место при извршување на кривичното дело. Се чекаат натамошни насоки од надлежен јавен обвинител“, велат од МВР.
Засега не е позната локацијата каде што е приведен судијата, ниту пак, за колкава сума станува збор.
Македонија
Сиљановска доби честитка од кралот Чарлс
Претседателката Гордана Сиљановска Давкова денеска го прими амбасадорот на Обединетото Кралство на Велика Британија и Северна Ирска, Метју Лосон.
На средбата беа разменети мислења за севкупните билатерални односи меѓу двете држави, при што претседателката Сиљановска Давкова истакна дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата. Претседателката Сиљановска Давкова посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес.
Претседателката Сиљановска Давкова истакна дека како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит.
Амбасадорот Лосон на претседателката Сиљановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор.
„Уверен сум дека ќе го вложите целиот Ваш капацитет за време на Вашиот мандат како Претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Северна Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како Претседател односите, кои се веќе толку блиски, уште повеќе ќе се продлабочат“, се вели во честитката од Кралот Чарлс Трети.
Македонија
Сиљановска Давкова се сретна со украинската амбасадорка Дир
Претседателката Гордана Сиљановска Давкова денеска ја прими амбасадорката на Украина, Лариса Дир.
На средбата, беше изразено задоволство од традиционалните пријателски односи, засновани на заемна почит и меѓусебно разбирање. Претседателката Сиљановска Давкова ја нагласи нејзината заложба за продлабочување на соработката во сите области од заеднички интерес, реафирмирајќи ја поддршката за Украина против руската агресија, со која се поткопува европската глобална безбедност и стабилност.
Двете соговорнички разменија мислења и за стратешките определби и перспективите на двете земји, истакнувајќи ја потребата од натамошна заемна помош, споделување искуства и експертиза. Претседателката Сиљановска Давкова ја нагласи македонската поддршка за Украина на нејзиниот пат кон Европската Унија и НАТО.
Амбасадорката Дир, упатувајќи честитки за изборот на претседателката Сиљановска Давкова ѝ посака успешно извршување на функцијата.