Македонија
Попоски и Бесими во Брисел: НАТО останува приоритет
Шефот на дипломатијата, Никола Попоски и министерот за одбрана, Фатмир Бесими денеска во седиштето на НАТО во Брисел учестуваа на состанокот на Северно-атланскиот совет, информираат од Министерството за надворешни работи.
Шефот на дипломатијата, Никола Попоски и министерот за одбрана, Фатмир Бесими денеска во седиштето на НАТО во Брисел учестуваа на состанокот на Северно-атланскиот совет, информираат од Министерството за надворешни работи.Во своите обраќања пред амбасадорите на 28-те земји членки на НАТО, како што информираат од МНР, Попоски и Бесими говореле за постигнатите резултати во рамките на политичките, економски и одбранбени реформски процеси во Македонија, реафирмирајќи ја цврстата определба на земјата, како рамноправен партнер да ги споделува заедничките вредности и одговорности на Алијансата.Земјите членки, како што се соопштува, позитивно ја оцениле имплементацијата на дванаесетиот циклус од Акциониот план за членство и на задачите содржани во Годишната национална програма на Република Македонија за членство во НАТО за периодот 2010-2011 година. Притоа, особено била истакната активната контрибуција на земјата во зачувувањето на регионалниот и глобален мир и стабилност, преку учеството во меѓународните мисии и операции предводени од НАТО и другите меѓународни организации.Амбасадорите на земјите-членки изразиле интерес за процесот за надминување на разликите со Грција околу името, како последна пречка за наше полноправно членство во НАТО. Во овој контекст, Министерот Попоски истакнал дека Република Македонија постојано ја демонстрира подготвеноста за изнаоѓање заеднички прифатливо решение, изразувајќи уверување дека тоа е можно во колку и двете страни на ова прашање му приоѓаат на прагматичен начин, во согласност со меѓународните принципи. Притоа, Попоски подвлекол дека Македонија ќе продолжи да биде позитивно ангажирана преку конструктивно учество во разговорите под покровителство на ОН, како и во воспоставениот директен дијалог на највисоко ниво. Министерот Бесими истакнал дека членството во НАТО останува врвен стратешки приоритет за земјата, што е исклучително важно за мирот, стабилноста и идниот развој на Македонија и регионот во целина. Притоа Бесими подвлекол дека ќе продолжат одбранбените реформи и значајниот придонес на Македонија кон регионалната и глобална безбедност, придобивка која беше истакната како исклучително позитивна од страна на Амбасадорите на земјите членки на НАТО. Министрите Попоски и Бесими остварија кратка средба со Заменикот-Генерален Секретар на НАТО – Клаудио Бисонјеро, а на покана на Амбасадорот на Холандија во НАТО, имаа и работен ручек со поголем број амбасадори на земји-членки на Алијансата, информираат од МНР. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„ДКСК да покрене постапка против Битиќи, бара од фирмите на кои им исплаќал државна помош да гласаат за него“, вели ВМРО-ДПМНЕ
„ДКСК да покрене постапка против Битиќи, бара од фирмите на кои им исплаќал државна помош да гласаат за него, им сугерира и број на гласачко ливче. По објавениот документ од кој се гледа како Битиќи бара од компании да го поддржат затоа што им исплаќал државна помош тој требаше да се повлече од политиката“, велат од ВМРО-ДПМНЕ.
„Фактот што Битиќи не само што не се повлече, туку и не се извини, говори како СДС и ДУИ ја заробија државата и како 100тина функционери управуваат со државата како да е нивен личен имот.
ДКСК не смее да чека, да отвори случај и да се отвори постапка и пред другите институции.
Злоупотребите на институциите мора да запрат. По 8ми мај ќе се стави крај ма ваквите практики, а таквите како Битиќи ќе се соочат со одговорност“, соопшти ВМРО-ДПМНЕ.
Македонија
Променливо облачно и нестабилно со пороен дожд и грмежи
Времето денеска ќе биде променливо облачно и нестабилно со пороен дожд и грмежи, особено во источните делови. Локално процесите ќе бидат во форма на краткотрајно невреме со засилен ветер и услови за изолирана појава на град. Минималната температура ќе биде во интервал од 7 до 12, а максималната ќе достигне од 14 до 22 степени.
Во Скопје променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Минималната температура ќе се спушти до 10, а максималната ќе достигне до 21 степен.
Продолжува периодот на променливо облачно време со повремени локални врнежи од дожд, освен во недела кога ќе биде претежно стабилно и потопло. Во сабота ќе дува засилен северен ветер.
Македонија
Нема подолги задржувања за влез и излез од државата
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.