Свет
Израел продолжува со планот за градење шест илјади нови домови
Израелски функционери изјавија дека оваа седмица ќе продолжат да го спроведуваат планот за изградба на шест илјади домови за доселениците на областите на кои право полагаат Палестинците…
Израелски функционери изјавија дека оваа седмица ќе продолжат да го спроведуваат планот за изградба на шест илјади домови за доселениците на областите на кои право полагаат Палестинците, и покрај критиките на западните земји кои стравуваат дека тоа ќе ги наруши и онака веќе слабите надежи за постигнување мировен договор.
Комисијата за планирање при израелското министерство за внатрешни работи во понеделникот даде прелиминарно одобрение за изградба на 1.500 домови во населбата Рамат Шломо во источен Ерусалим.
Комисијата, како што најави во вторникот портпаролот на министерството Ерфат Орбач, сега ќе почне да ги разгледува плановите за изградба на преостанатите 4.500 домови во две други населби, Гиват Хаматос и Гило, во серија седници коишто може да траат и до следната седмица.
Израел трите населби ги смета за градско подрачје на Ерусалим, неговата „историска и неделива престолнина“, иако се наоѓаат на просторот на Западниот брег кој е заземен во блискоисточната војна од 1967 година.
Палестинците населбите ги сметаат за пречка за остварување на целосна држава со престолнина во источен Ерусалим кој меѓународната заедница го смета за окупиран и припоен дел од Ерусалим.
Со ова Израел го покренува проектот кој во 2010беше осуден од странана САД и привремено ставен во мирување. Контроверзниот проект тогаш предизвика тешка дипломатска криза меѓу Израел и САД во текот на посетата на американскиот потпретседател Џозеф Бајден на Ерусалим на 9-ти август 2012 година,
Овој план, инаку, првпат беше замрзнат во 2005 година повторно под притисок на американските санкции, а со него Израел има намера на два дела да го пресече Западниот брег и да го изолира од источен Ерусалим./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на Guitar Art денеска собра 1.000 гитаристи на Трг Република во Белград, кои поставија национален рекорд во присуство на инструменталисти кои свират на гитара и слични инструменти на едно место во Србија свирејќи во рокенрол прослава со познати музичари, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на Трг Република. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на Трг Република да уживаат во првокласен музички настан.