Свет
Иран не произведува атомска бомба – тврди Ајатолахот Али Хамнеи
Врховниот водач на Иран, ајатолахот Али Хамнеи, негира дека неговата земја произведува атомско оружје, пренесуваат агенциите.
Врховниот водач на Иран, ајатолахот Али Хамнеи, негира дека неговата земја произведува атомско оружје, пренесуваат агенциите.
За духовниот водач на иранците, оружјето за масовно уништување е симбол за геноцид, што се коси со верските уверувања на иранскиот народ.
Според него, Иран не произведува оружје, туку нуклеарната енергија ја користи во мировни цели.
Изјавата на Хамнеи, доаѓа само еден ден по извештајот на Меѓународната заедница за атомско оружје, во кој што се потврдува дека Иран тајно произведува нуклеарни боеви глави.
САД и меѓународната заедница изразија загриженост по најновиот извештај и предупредија дека Техеран ќе се соочи со нови санкции, ако не дозволи увид во нуклеарните постројки./крај/ин/см
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.