Свет
На "Тиквеш" му се заканува стечај
Тиквеш ќе оди во стечај ако за десет дена Министерството за финансии не му ја деблокира сметката, порача вчера претседателот на Управниот одбор на винарската визба, Свето Јаневски.
Тиквеш ќе оди во стечај ако за десет дена Министерството за финансии не му ја деблокира сметката, порача вчера претседателот на Управниот одбор на винарската визба, Свето Јаневски. Тој тврди дека блокадата на сметката, која трае веќе 35 дена, е незаконска и на “Тиквеш” ќе му нанесе штета од 600.000 евра, јави МИА.
– Ако “Тиквеш” отиде во стечај, од неговата распродажба прво ќе бидат наплатени долговите кон кредиторите, односно банките, кон компанијата “М6”, а потоа надомест ќе добијат и лозарите. За Министерството за финансии нема да остане ништо – рече Јаневски. Тој соопшти дека и покрај проблемите, “Тиквеш” годинава откупил 40 милиони килограми грозје, за што треба да плати 450 милиони денари.
Јаневски укажа дека не сака да го избегне плаќањето на долгот кон Министерството за финансии, туку дека сака да го плати со обврзници, бидејќи законот му го дозволувал тоа.
– “Тиквеш” навремено пристапи кон исполнување на обврските кон Агенцијата за управување со средства и плати 15 милиони денари. Визбата се обиде преостанатиот дел од долгот да го плати со обврзници за денационализација, што е во согласност со измените на Законот за денационализација од годинава. Министерството за финансии не го дозволува тоа и ни ја блокира сметката, со што врши повреда на законите за денационализација, за платен промет и за извршна постапка – смета Јаневски.
Тој потсети дека влезот на “М6” во “Тиквеш” е реализиран преку Македонската берза во јули 2003 година, а во мај 2004 е извршена јавна понуда и на сите други акционери им се платени по 1.000 денари за акција. За ова соодветно решение донесла и Комисијата за хартии од вредност.
– “М6” плати вкупно 3,4 милиони евра. Затоа коментарите дека “Тиквеш” му е даден на “М6” без пари се лицемерни и смешни – изјави Јаневски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.