Македонија
Преглед на печат / Македонија
„Дневник“ – Под наслов „Не ни треба Дејтон за името“, пишува за контраверзниот предлог на Али Ахмети кој предизвика негодување во дел од стручната јавност.
„Дневник“
Под наслов „Не ни треба Дејтон за името“, пишува за контраверзниот предлог на Али Ахмети кој предизвика негодување во дел од стручната јавност. Лидерот на ДУИ на конференцијата, по повод 10-годишнината од Рамковниот договор во Охрид, предложи да се формира меѓународна група за решавање на проблемот со името, за да се обезбеди мир во регионот. Стручната јавност го отфрла овој предлог, со став дека големите сили веќе се вклучени во преговорите за името што се водат во Обединетите нации. „Нова Македонија“
Под наслов „На македонските пратеници македонскиот јазик им е странски“, пишува за етничките апсурди во Собранието, дека повеќето пратеници што не се Македонци, во своите службени биографии го наведуваат македонскиот јазик како странски изедначувајќи го со англискиот, францускиот, шпанскиот и со другите официјални јазици од различни држави. Други, пак, македонскиот јазик не го ни пишуваат во биографиите. „Утрински весник“
„Иванов се впушти во политички интриги“, пишува дека отсуството на потписниците на Рамковниот договор од прославувањето на десетгодишницата од потпишувањето на документот, не успеа да го помати доброто расположение на учесниците на дводневното дебатирање на оваа тема во Охрид, каде незабележително не помина настапот на шефот на државата, Ѓорѓе Иванов. Особени индикативен беше делот со кој тој како да сакаше да се вклучи во некои политички интриги и шпекулации што се појавија деновиве за постоење на грчка врска во креирањето на охридскиот документ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 32.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.