Полесно повредени се 17 полицајци во денешните немири во Шуто Оризари, еден од нив е задржан во Воена болница додека другите се пуштени дома

Портпаролот на Министерството за внатрешни работи, Иво Котевски за Форум нагласи дека  полицијата асистирала на барање на владиното Координативно тело за заштита на интелектуалната сопственост и авторските права во акциската контрола на пазарните инспектори и Управта за јавни приходи на пазарот во Шуто Оризари.„Со асистенцијата е започнато околу 12.40 часот и, за жал, покрај попречувањето на инспектрите, околу 14 часот од страна на присутните дојде до поголемо нарушување на јавниот ред и мир, кога дел од лицата од толпата започнале со камења и предмети да фрлаат кон полицијата. За да спречи поголемо нарушување и последици од поголем обем, полицијата примени сила и по разбивањето на толпата припадниците на полицијата се повлекоа“, рече Котевски.По акцијата 17 припадници од кои најголем дел од Единицата за брза интервенции се пожалиле на телесни повреди. Од нив еден од нив е задржан во Воена болница со потрес на мозокот, додека другите се пуштени домаМВР обезбеди видео и фото материјали и во наредните денови ќе врши идентификација на учесниците во инцидентот по што за сите оние за кои ќе се утврди дека учествувале во нарушувањето на јавниот ред и мир ќе бидат покренати соодветни пријави.Инцидентот се случи денеска во Шуто Оризари како резултат на пресметка меѓу полицијата и пазарџиите. Полицијата, според репортерските јавувања на некои медиуми, за да ја растера толпата употребила солзавец, што не е потврдено. Пазарџиите се жалеа кај градоначалникот на Општината дека пазарната инспекција им одзела стока во вредност од 20 илјади евра.