Свет
Египет: расте бројот на мртвите и повредените во Каиро и во Суец
Најмалку 18 луѓе се убиени, а околу 1.100 се ранети во насилните протести во Египет во петокот, најмногу во градовите Каиро и Суец, тврдат медицински извори, пренесува BBCСе уште се очекува на нацијата да и се обрати претседателот Хосни Мубарак, кој е соочен со најголемиот предизвик во своето 31-годишно владеење со земјата. На протестите во Каиро, Суец, Александрија и во другите градови им се приклучија десетици илјади луѓе. Демонстрантите протестираат против високата невработеност, корупцијата и репресијата од страна на владата. Во Суец беа убиени 13 луѓе, додека во Каиро загинаа петмина, тврдат медицинските извори. Претседателот Мубарак претходно ја испрати армијата да и помогне на изнемоштената полиција и прогласи полициски час, најпрвин само во Каиро, Суец и Александрија, но потоа го прошири и низ целата земја, но тој никаде не се почитува. Седиштето на владејачката партија НДП е запалено, додека демонстрантите ги ставија под опсада и државната телевизија и Министерството за надворешни работи. Интернетот и телефонските услуги – и мобилните и статичните – се во речиси постојан прекин, но демонстрантите користат адекватна апаратура за да останат во контакт и покрај прекините. Според дописниците на повеќе странски медиуми, над престолнината Каиро кружат воени хеликоптери . САД, кои го сметаат Египет за клучен сојузник, повикаа на смиреност и кај двете страни. Во своето обраќање американската државна секретарка Хилари Клинтон истакна дека Вашингтон веќе врши притисок врз претседателот Хосни Мубарак да отпочне реформи. Вашингтон, исто така, истакна дека ќе ја преоценува помошта за Египет врз основа на настаните во наредните неколку дена. Повеќе држави во светот им препорачаа на своите граѓани да не патуваат во Египет. /крај/bbc/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во просторијата каде што требало да се состане полската влада биле пронајдени уреди за прислушување
Полските безбедносни служби пронајдоа и демонтираа уреди за прислушување во просторијата каде што денеска треба да се состане министерскиот совет, изјави портпаролот на координаторот на специјалните служби.
Полска, центар на западните воени резерви на Украина додека Киев се бори против руската инвазија, е во состојба на висока готовност за какви било знаци на шпионска активност.
„Службата за државна заштита, во соработка со Агенцијата за внатрешна безбедност, откри и демонтираше уреди што може да се користат за прислушување во просторијата каде што денеска треба да се одржи состанокот на Советот на министри“, напиша Јацек Добржински на социјалната мрежа „Икс“.
„Службите спроведуваат понатамошни активности во врска со ова прашање“, додаде Добржински.
Вчера владата соопшти дека истражува дали полски судија кој имал пристап до доверливи информации и барал политички азил во Белорусија шпионирал.
Регион
Кинескиот претседател денеска пристигнува во Белград: ќе го чуваат илјадници полицајци
Кинескиот претседател Шји Џјинпинг денеска доаѓа во официјална посета на Белград, а според Танјуг, за неговото пристигнување се преземени големи безбедносни мерки, па неговата делегација ќе ја штитат 3.400 полицајци.
Ќе го пречекаат српските ловци МиГ-29 кои ќе го следат неговиот авион од границата, а на аеродромот во Белград во негова чест ќе биде построена стража на војската на Србија.
Покрај автопатот во Белград се поставени кинеското и српското знаме, а пред Палатата Србија ќе биде организиран и свечен пречек на кинеската делегација, броена од 400 луѓе, а планирано е да се потпишат повеќе од 30 договори.
Ќе биде организиран и свечен ручек, а кинескиот претседател ќе има можност да дегустира српски јадења и вина, а ќе има и музичка програма на српски и кинески јазик“.
Домаќин на кинескиот претседател ќе биде српскиот претседател Александар Вучиќ.
Шји последен пат беше во Србија во 2016 година, што беше прва посета на претседателот на Кина на Србија по 32 години и по тој повод беше потпишана Декларацијата за стратешко партнерство.
Вучиќ се сретна со Шји во октомври минатата година во Пекинг, кога беа потпишани 18 договори, меѓу кои и договорот за слободна трговија меѓу Србија и Кина, кој наскоро треба да стапи на сила.
Ова е прва посета на претседателот Шји на Европа во последните пет години, од избувнувањето на пандемијата Ковид-19, а за време на оваа европска турнеја тој ќе посети само три европски престолнини – Париз, Белград и Будимпешта.
Петдневната турнеја ја започна со посета на Франција на 5 мај, во Белград доаѓа на 7 мај, а потоа ќе ја посети Будимпешта.
На последната средба меѓу кинескиот и српскиот претседател во октомври минатата година во Пекинг, покрај Договорот за слободна трговија, беа потпишани и неколку билатерални документи, како оние за полициска соработка во управувањето со вонредни ситуации, изградбата на патишта, индустриски парк, извоз на јаболка, дигитализација.
Свет
Драма во Кина: напад со нож во болница, има загинати и повредени
Во напад на болница во југозападна Кина, повеќе од десет лица се убиени или ранети, јавуваат државните медиуми, кои не ја прецизираат природата на нападот.
„Инцидентот се случил во локалната болница во 13:20 часот по локално време“, соопшти државната новинска агенција „Ксинхуа“.
Нападот се случил во округот Женгксионг во североисточниот дел на југозападната провинција Јунан и истрагата е во тек.
Масовните насилни злосторства се ретки во Кина, која строго им забранува на граѓаните да поседуваат огнено оружје.