Македонија
Утре започнува Декадата за безбедност на патиштата
Под мотото „Време е за акција“ од утре во Македонија, како и во целиот свет, започнува Декадата на акција на Обединетите нации за безбедност на патиштата.
Под мотото „Време е за акција“ од утре во Македонија, како и во целиот свет, започнува Декадата на акција на Обединетите нации за безбедност на патиштата.Иницијативата за поддршка на Декадата за безбедност на патиштата има за цел подигнување на свеста кај граѓаните за зголемување на безбедноста во сообраќајот на сите учесници, а во неа се вклучуваат АМСМ, Министерствата за внатрешни работи и за транспорт и врски.Министерката за внатрешни работи на денешната презентација на националната кампања за безбедност рече дека во последниве години по патиштата низ државава се случуваат во просек по 130 сообраќајни несреќи со фатални последици. Од 2001 заклучно со 2010 година на патиштата низ државава се регистрирани вкупно 1.307 несреќи во кои загинале едно или повеќе лица. Во последните десет години регистрирани се 30 илјади сообраќајни несреќи, додека сообраќајни несреќи со помала или поголема материјална штета се случуваат двојно повеќе. Од нив 2.868 несреќи се случиле во кои учесниците во сообраќајот се здобивале со повреди од различен карактер, вклучувајќи и краен инвалидитет. Статистиките покажуваат дека над 95 проценти од сообраќајните несреќи се предизвикани од човечки фактор, односно од лицата кои управувале со патничките возила и тоа поради непочитување на сообраќајните знаци, особено поради управување на возило со поголема брзина или неприлагодена брзина кон условите на патот и непочитувањето на правилата за првенство на минување.Според Јанкуловска, големо влијание врз сообраќајните несреќи има и инфраструктурата и сообраќајната култура.Само во текот на минатата година сообраќајната полиција презела 310 илјади превентивни мерки.Во националната кампања за безбедност на патишта која започнува утре во 12 часот и 30 минути ќе учествува и полицијата со делење на пропагандни материјали посветени на подигнување на свеста за опасностите од непочитувањето на сообраќајните правила. крај/к.с.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 32.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.