Свет
Исповед на хрватски платеник: Гадафи го напуштија сите Срби

Моамер Гадафи покажува голема наклонетост кон Србија и за време на пресметките со бунтовниците тој најми голем број на ветерани од подрачјето на некогашна Југославија. Меѓу нив, импозантен беше бројот на Срби.
Моамер Гадафи покажува голема наклонетост кон Србија и за време на пресметките со бунтовниците тој најми голем број на ветерани од подрачјето на некогашна Југославија. Меѓу нив, импозантен беше бројот на Срби. Како времето одминуваше, еден по еден сите го напуштија, наведува за „Тајм“, Марио, Хрват од Босна, кој бил ангажиран од Гадафи да се бори против бунтовниците, пренесува српскиот весник „Блиц“ на својата интернет страница. Марон сведочи за своите искуства „под палката на Гадафи“. Тој го напуштил Триполи пред 12 дена, откако добил дојава од свој соборец. „Пред две недели, пријателот кој ме донесе тука ми кажа дека треба да го напуштам Триполи, бидејќи работите многу бргу ќе бидат сменети, и дека сите договори се веќе направени“, вели Марио, кој не го открива своето презиме. Тој и самиот забележал дека поголем дел од платениците го напуштаат Триполи, па затоа и тој решил да избега.„Од самиот почеток знаев дека акцијата на Гадафи против бунтовниците е осудена на пропаст. Моите луѓе во најголем дел беа од јужниот дел на Либија и Чад, но имаше и од другите краишта“, вели Марио. Тој од луѓето на Гадафи, како ветеран од војната во поранешна Југославија, бил најмен да се бори против бунтовниците.„Дисциплината беше многу лоша, а тие се премногу глупави за да научат било што. Сепак, се ќе беше во ред да не започнеа воздушните напади. Другата страна подеднакво беше лоша во се, ако не и полоша. Доколку не се вмешаше западот, Гадафи ќе ги згазеше“, зборува Марио. Според неговите зборови, на почетокот на јули преку 30 отсто од луѓето дезертирале од војската на Гадафи или минале на страната на бунтовниците. Марио смета дека тензијата помеѓу синовите на Гадафи придонела за неговата пропаст. „Еднаш малку недостигаше да дојде до вооружена пресметка меѓу нив“, додава тој. Марио вели дека забележал, дека голем број на Либијци од страв се преправале дека му се лојални на Гадафи и дека тие луѓе „само барале начин да му забијат нож во грбот“. крај/бл/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција го усвои контроверзниот закон – отворен патот за 13-часовно работно време

Грчкиот парламент денес го усвои новиот закон за труд, кој предизвика бурни реакции и протести во целата земја. Со 158 гласа „за“ и 109 „против“ владиниот предлог беше изгласан, а левичарската опозициска партија СИРИЗА одби да учествува во гласањето.
Законот, кој според владата има цел да го направи пазарот на труд поприспособлив и поефикасен, им овозможува на работодавците во приватниот сектор да бараат од своите вработени да работат до 13 часа дневно наместо досегашните осум. Продолженото работно време може да се применува најмногу 37 дена годишно, а работниците се заштитени од отказ доколку одбијат да работат прекувремено.
Владата тврди дека со новите правила се зголемуваат флексибилноста и заштитата на работниците, особено оние со семејства, и дека законот дозволува четиридневна работна недела доколку има претходен договор меѓу работодавецот и вработениот.
Меѓутоа, синдикатите и опозицијата остро реагираа предупредувајќи дека реформата ја укинува суштината на осумчасовниот работен ден и ја легализира прекумерната експлоатација. Синдикатот на државните службеници ADEDY порача дека „флексибилното работно време во пракса значи уништување на семејниот и на општествениот живот и укинување на работничките права“.
Синдикатите потсетуваат и дека просечните плати во Грција се значително пониски од европскиот просек, а нерегистрираниот труд и натаму е голем проблем. Опозициските партии оценија дека законот е застарен и спротивен на европските тенденции за скратување на работното време и воведување пократка, но поквалитетна работна недела.
Новите одредби предвидуваат и поголема флексибилност при вработувања на определено време, со цел, како што наведува Министерството за труд, да се стимулираат продуктивноста и модернизацијата на пазарот на труд.
И покрај уверувањата на владата дека законот ќе ги заштити работниците и ќе овозможи подобра рамнотежа меѓу работа и приватен живот, јавноста останува поделена.
Свет
Индонезија, Азербејџан и Пакистан – три земји во преговори за мировна мисија во Газа

Американски официјален претставник изјави дека Индонезија, Азербејџан и Пакистан разговараат со САД за можноста да испратат војници во идната меѓународна мисија за стабилизација на Пojaсот Газа, објави американски функционер од одбраната, кој побарал да остане анонимен поради чувствителноста на преговорите, јавува „Политико“.
Ова е дел од планот во 20 точки за мир предложен од Доналд Трамп, кој предвидува привремени сили за обука и поддршка на палестинската полиција и соработка со Египет и Јордан.
САД нагласуваат дека американски војници нема да влегуваат во Газа, туку ќе дејствуваат од координативен центар северно од Израел. Египет, Катар и ОАЕ ќе имаат свои официри таму. Досега нема официјални потврди од трите земји.
Целта на мисијата е привремено да се обезбеди обука на палестинските безбедносни структури и да се овозможи разоружување на Хамас. Аналитичари и дипломати ја доведуваат во прашање изводливоста на планот, а формирањето на силите може да трае неколку месеци од моментот на одлуката.
Свет
„Борбата не е завршена“ – Нетанјаху решен да ги врати сите тела на заложниците

Израелскиот премиер Бенјамин Нетанјаху изјави дека Израел е решен да ги врати сите тела на заложниците што сè уште се во рацете на Хамас.
Тој ја повтори својата порака за време на одбележувањето на втората годишнина од нападот на Хамас велејќи:
„Борбата уште не е завршена, но едно е јасно – секој што ќе крене рака против нас, ќе плати висока цена“.
Израел го обвини Хамас за прекршување на договорот за примирје, според кој сите заложници – живи и мртви – требало да бидат предадени до понеделник. Хамас предаде 20 живи заложници и девет тела, но тврди дека за другите му е потребна специјална опрема за пребарување под урнатините.
Министерот за одбрана Израел Кац порача дека ако Хамас не го почитува договорот, Израел во координација со САД ќе ја продолжи офанзивата до целосен пораз на организацијата.