Свет
Фатах и Хамас може да разговараат за признавање на Израел

Махмуд Абас, претседателот на Палестинската самоуправа нз Ападнито брег, изјави во понеделниот во австрискиот главен град Виена дека во текот на скорешните преговори меѓу Хамс и Фатах ќе биде разговарано за одбивањето на исламистичкото движење Хамас да го признае Израел.
Махмуд Абас, претседателот на Палестинската самоуправа нз Ападнито брег, изјави во понеделниот во австрискиот главен град Виена дека во текот на скорешните преговори меѓу Хамс и Фатах ќе биде разговарано за одбивањето на исламистичкото движење Хамас да го признае Израел. „Се надевам дека Хамас ќе се согласи. Тоа би можело да биде едно од прашањата во текот на нашиот следен состанок“, рече Абас кој престојува во посета на Австрија. Претседателот на Палестинската национална самоуправа прецизираше за медиумите дека за оваа тема не станало збор на последните преговори кога дојде до негово помирување со Калед Мешал, првиот човек на Хамас, мината седмица во египетската престолнина Каиро. „Тие преговори ги сметаме за многу важна фаза. Двете страни ги објаснија своите гледишта“, изјави Абас по средбата со австрискиот претседател Хајнце Фишер, а пред разговорите со австрискиот канцелар Вернер Фајман. Абас потенцираше дека Хамас е подготвен да ја прифати палестинската држава во границите од 1967 година. Тој, исто така, нагласи дека владата на националното единство којашто ќе ја формираат Хамас и Фатах и ќе работи на подготовка на претседателските и парламентарните избори, ќе биде независна и во неа нема да доминира ниедна од двете движења. Тој најави дека изборите ќе се одржат на 4-ти мај 2012 година. Абас тврди дека во привремената палестинска влада ќе влезат технократи и независни членови, и уште еднаш потенцира дека тоа нема да биде влада на Хамас или на Фатах, туку целосно независна влада. Израел, пак е загрижен од доближувањето на ставовите меѓу Хамас и Фатах. „Колку е Абас поблизок до Хамас, толку е пооддалечен од мирот“, изјави израелскиот премиер Бенјамин Нетанјаху. Додека израелскиот заменик министер за надворешни работи, Дани Ајалон, изјави дека Израел би можел да ја прекине испораката на вода и електрична енергија за Појасот Газа.ДАД и Европската унија објавија дека нема да соработуваат со влада којашто би ги вклучувала претставниците на Хама, сé додека оваа организација не го признае Израел, не се откаже од насилството и не ги признае претходните израелско-палестински договори. /крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција го усвои контроверзниот закон – отворен патот за 13-часовно работно време

Грчкиот парламент денес го усвои новиот закон за труд, кој предизвика бурни реакции и протести во целата земја. Со 158 гласа „за“ и 109 „против“ владиниот предлог беше изгласан, а левичарската опозициска партија СИРИЗА одби да учествува во гласањето.
Законот, кој според владата има цел да го направи пазарот на труд поприспособлив и поефикасен, им овозможува на работодавците во приватниот сектор да бараат од своите вработени да работат до 13 часа дневно наместо досегашните осум. Продолженото работно време може да се применува најмногу 37 дена годишно, а работниците се заштитени од отказ доколку одбијат да работат прекувремено.
Владата тврди дека со новите правила се зголемуваат флексибилноста и заштитата на работниците, особено оние со семејства, и дека законот дозволува четиридневна работна недела доколку има претходен договор меѓу работодавецот и вработениот.
Меѓутоа, синдикатите и опозицијата остро реагираа предупредувајќи дека реформата ја укинува суштината на осумчасовниот работен ден и ја легализира прекумерната експлоатација. Синдикатот на државните службеници ADEDY порача дека „флексибилното работно време во пракса значи уништување на семејниот и на општествениот живот и укинување на работничките права“.
Синдикатите потсетуваат и дека просечните плати во Грција се значително пониски од европскиот просек, а нерегистрираниот труд и натаму е голем проблем. Опозициските партии оценија дека законот е застарен и спротивен на европските тенденции за скратување на работното време и воведување пократка, но поквалитетна работна недела.
Новите одредби предвидуваат и поголема флексибилност при вработувања на определено време, со цел, како што наведува Министерството за труд, да се стимулираат продуктивноста и модернизацијата на пазарот на труд.
И покрај уверувањата на владата дека законот ќе ги заштити работниците и ќе овозможи подобра рамнотежа меѓу работа и приватен живот, јавноста останува поделена.
Свет
Индонезија, Азербејџан и Пакистан – три земји во преговори за мировна мисија во Газа

Американски официјален претставник изјави дека Индонезија, Азербејџан и Пакистан разговараат со САД за можноста да испратат војници во идната меѓународна мисија за стабилизација на Пojaсот Газа, објави американски функционер од одбраната, кој побарал да остане анонимен поради чувствителноста на преговорите, јавува „Политико“.
Ова е дел од планот во 20 точки за мир предложен од Доналд Трамп, кој предвидува привремени сили за обука и поддршка на палестинската полиција и соработка со Египет и Јордан.
САД нагласуваат дека американски војници нема да влегуваат во Газа, туку ќе дејствуваат од координативен центар северно од Израел. Египет, Катар и ОАЕ ќе имаат свои официри таму. Досега нема официјални потврди од трите земји.
Целта на мисијата е привремено да се обезбеди обука на палестинските безбедносни структури и да се овозможи разоружување на Хамас. Аналитичари и дипломати ја доведуваат во прашање изводливоста на планот, а формирањето на силите може да трае неколку месеци од моментот на одлуката.
Свет
„Борбата не е завршена“ – Нетанјаху решен да ги врати сите тела на заложниците

Израелскиот премиер Бенјамин Нетанјаху изјави дека Израел е решен да ги врати сите тела на заложниците што сè уште се во рацете на Хамас.
Тој ја повтори својата порака за време на одбележувањето на втората годишнина од нападот на Хамас велејќи:
„Борбата уште не е завршена, но едно е јасно – секој што ќе крене рака против нас, ќе плати висока цена“.
Израел го обвини Хамас за прекршување на договорот за примирје, според кој сите заложници – живи и мртви – требало да бидат предадени до понеделник. Хамас предаде 20 живи заложници и девет тела, но тврди дека за другите му е потребна специјална опрема за пребарување под урнатините.
Министерот за одбрана Израел Кац порача дека ако Хамас не го почитува договорот, Израел во координација со САД ќе ја продолжи офанзивата до целосен пораз на организацијата.