Македонија
Стартува употребата на новите регистерски таблици
Новите регистерски таблици, кои деновиве беа промовирани од страна на Министерството за внатрешни работи, на граѓаните ќе почнат да им се делат од денеска.
Новите регистерски таблици, кои деновиве беа промовирани од страна на Министерството за внатрешни работи, на граѓаните ќе почнат да им се делат од денеска.Дистрибуцијата на новите таблици најпрвин ќе започне во Скопје, а по неколку денови се очекува табличките да бидат достапни и за жителите на останатите градови. Новите таблици ќе се издаваат доколку возилото за прв пат се регистрира на територијата на Република Македонија, при промена на регистарско подрачје или при замена на изгубена регистарска таблица. Граѓаните нема да бидат изложени на непотребни трошоци, односно старите регистерски таблички кои веќе ги поседуваат ќе важат и во иднина и не постои законска обврска истите да бидат сменети, освен доколку граѓанинот не сака да го стори тоа. За прв пат во Македонија се воведува можноста за издавање на поинаку означени таблички по барање на сопственикот на возилото, кои можат да содржат најмалку три, а најмногу девет црни бројки или броеви и кои што ќе чинат 1.200 евра, ќе бидат прицврстени напред и за коишто ќе важат ограничувања во смисол дека натписот не смее да биде провокативен, неетички или спротивен на правниот поредок . /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.