Охридското Езеро е намалено за еден сантиметар во однос на вчерашниот ден, беше соопштено на денешниот состанокот на Координативното тело за превенција од природни непогоди.

Охридското Езеро е намалено за еден сантиметар во однос на вчерашниот ден, беше соопштено на денешниот состанокот на Координативното тело за превенција од природни непогоди.

На состанокот присуствуваа претставници на сите релевантните институции, а беа разгледани информациите кои пристигнуваат од дежурните екипи на теренот и беа координирани превентивните активности кои се преземаат.

Во текот на денешниот ден продолжуваат активностите за уредување на речното корито на реката Црн Дрим кај месноста Луково а екипите на Дирекцијата за заштита и спасување на оваа локација превентивно работат на земјен насип во должина од 350 метри, висина од 5 м и широчина од 7 метри.

Во моментов се работи на поставувањето на заштитни потпори на цевководот и на пумпите на колекторскиот систем во Охрид, на потегот од Пештани до Елешец, а во населеното место Пласница се очекува да се заврши поставувањето на насип на реката Треска за да се спречи евентуално излевање на реката кон основното училиште во општина Пласница.

Во текот на утрешниот ден е предвидено Координативното тело да одржи состанок со градоначалникот на Охрид, во просториите на локалната самоуправа.

Според информациите од Управата за хидрометеоролошки работи, во текот на денешниот ден се очекува облачно време со врнежи од снег, кои наместа ќе бидат поинтензивни  особено во југоисточните  делови од земјава, а ќе дува умерен до засилен, повремено силен ветер од источен правец./крај/иа