Македонија
Груевски да се разбуди од сонот на бајките
Општинската организација на СДСМ од Битола со реакција на вчерашната трибина на која присуствуваше премиерот и владата. На денешната прес-конференција му порачаа на Груевски.
Општинската организација на СДСМ од Битола со реакција на вчерашната трибина на која присуствуваше премиерот и владата. На денешната прес-конференција му порачаа на Груевски.
„Нека се разбуди од сонот на бајките, буден нека го погледне кошмарот на јавето. Нека не игра со бројките помеѓу неговите членови. Му порачуваме, да зборува за некои други бројки. Да каже каде се парите на млекoпроизводителите. Да оди помеѓу нив, да им објасни како да ги отплатат кредитите, како да ги ослободат хипотеките кои им висат над глава, како да ги прехранат своите семејства. Јавно го прашуваме, зошто намерно или ненамерно за последните локални избори ја заобиколи Могила, исто како што тоа го направи и вчера“, изјави Васко Ковачевски, претседател на ОО на СДСМ – Битола.
Тие реагираат и на она што вчера го кажал градоначалникот на трибината.
„Жално но вистинито, Владимир Талески им изјави на присутните дека присуствувале на, замислете, најважниот настан во изминатиот ден. Господине Талески за вас најважниот настан требаше да ви биде посетата на Логоварди, Егри и останатите Пелагониски села загрозени со неодамнешните поплави. Требаше да одите во поплавените домови и да им објасните на тамошните жители како да се справат со штетите на нивните домови и есенските посеви“, вели Ковачевски.
На крајот му порачаа и на министерот Коњановски дека со блех музика на плоштад и парадирање по Широк Сокак тешко дека ќе ја ублажат сликата на тажна Битола./крај/тера/мб/.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски во посета на Единицата за безбедност на сообраќајот на патиштата и Единицата за увид на место на настан и анализа: во фокусот проблемите на вработените
Министерот за внатрешни работи Панче Тошковски денес оствари работни посети на Единицата за безбедност на сообраќајот на патиштата и Единицата за увид на место на настан и анализа при Секторот за внатрешни работи Скопје каде одржа состаноци со раководствата.
„ЕБПС се соочува со голем недостаток на човечки ресурси и недостиг на возила и материјално-технички средства кои им се основна алатка за постапување и одржување на високо ниво на безбедност во патниот сообраќај. Исто така, беше посочено дека потребни се промени во законската и подзаконската регулатива со цел допрецизирање на одредбите кои ја регулираат оваа материја, а се со цел побезбеден сообраќај и помалку жртви.
ЕУМНА е една од круцијалните организациски единици кога се работи за ефикасно работење во делот на кривичната материја имајќи ја предвид природата на нивната работа. И во оваа Единица има голем недостаток на човечки ресурси, но и соодветни обуки кои ќе го подигнат нивото на квалитет на нивната работа, како и инвестирање во нова, пософистицирана опрема согласно најсовремените технологии и практики“ издвои Тошковски.
Македонија
Пендаровски: Давкова си закажала дебата сама со себе на МТВ
После јавната бламажа на трите досегашни ТВ дуели, Гордана Силјановска Давкова сфати дека единствен начин да излезе како победник во тие јавни соочувања е да организира разговор со „празно столче“ во договор со јавниот сервис чии генерален директор со месеци е ангажиран во партиска кампања на ВМРО-ДПМНЕ, вели престедателскиот кандидат Стево Пендаровски отклако претходно неговата против кандидатка Гордана Силјановска Давкова објави коментар дека Пендаровски не се појавил на дебатата на националниот сервис МТВ.
„Инаку, терминот за дебатата на МТВ никогаш не беше договорен меѓу двата кандидати. Дебатата во понеделник на 6ти мај, на телевизија Канал 5, е последна која е потврдена од двете страни.
И покрај ниските морални и етички стандарди кои ги поставија до сега во кампањата, ова е ново дно кое ВМРО-ДПМНЕ и Гордана Силјановска Давкова го достигнаа, што може да ги изненади само оние кои не го познаваат начинот на делување на ВМРО-ДПМНЕ и на нивната партиска кандидатка“, реагира Пендаровски на прозивките на Давкова.
Македонија
Сиљановска-Давкова до Пендаровски: Ќе дебатирам со празно столче, последната дебата е закажана за понеделник
Кандидатката за претседателка на ВМРО-ДПМНЕ, Гордана Сиљановска-Давкова со свој коментар на социјалната мрежа X, по повод отсуството на противкандидатот Стево Пендаровски на тв-дебата на Македонската телевизија.
“Вчудоневидувачки е како во најзначајната претседателска дебата пред националниот сервис, Македонската телевизија, јас ќе дебатирам со празно столче“, напиша таа.
Не разбирам, вели Сиљановска-Давкова, зошто мојот противкандидат (@SPendarovski) им оневозможи на граѓаните повторно да ги соочиме нашите програми и ставови.
„Би сакала да го потсетам господинот Стево Пендаровски дека последната дебата е закажана за понеделник, па го повикувам да се одважи и да се појави пред мене и пред граѓаните на Македонија.
Основна задача на шефот на државата е да гради консензус преку дијалог со сите“, пишува Сиљановска-Давкова на социјалните мрежи.
Доби и одговор од нејзиниот против кандидат Стево Пендаровски.
„Давкова си закажала дебата сама со себе на МТВ“, реагира Пендаровски на социјалните мрежи.