Свет
Од Гостивар депортирани 32 лица во Албанија
Гостиварската полиција откри 32 илегалци од Албанија кои на диво престојувале во градот. Лицата кои работеле на црно во Гостивар заради обезбедување егзистенција се депортирани со полициска придружба во Албанија.
Акција на гостиварската полиција за откривање на илегалците во земјава
Акцијата е спроведена во селата Форино, Долна Бањица и Равен и кај железничката и автобуската станица
Киро Кипроски
Гостивар – Гостиварската полиција откри 32 илегалци од Албанија кои на диво престојувале во градот. Лицата кои работеле на црно во Гостивар заради обезбедување егзистенција се депортирани со полициска придружба во Албанија.
Акцијата на гостиварската полица била спроведена завчера, во утринските часови, на повеќе локации во градот и во неколку горнополошките села со цел откривање лица кои илегално ја минале државната граница и непријавено престојуваат во земјава, извршувајќи на црно земјоделски и градежни работи. Акцијата е спроведена во селата Форино, Долна Бањица и Равен и на просторот пред железничката и автобуската станица во Гостивар, каде што на црно се врши берзата на трудот. Притоа се откриени 32 илегалци од Албанија, кои не го пријавиле престојот во земјава. Во Полициската станица во Гостивар информираат дека лицата при приведувањето не давале отпор. Поголемиот дел од нив ја минале државната граница илегално, а не поседувале никаков документ за идентификација. Неколкумина од нив ја минале границата со еднодневна погранична виза. Во изјавите рекле дека границата ја минале во непосредна близина на граничниот премин Блато, а минатата година подолг период извршувале земјоделски и други работи. Во земјава дошле за да обезбедат егзистенција за своите семејства. По испрашувањето, илегалците со полициски автобус и полициска придружба, преку граничниот премин Блато, во близината на Дебар, се вратени во матичната држава. Депортираните Албанци се од албанските градови Пешкопеја и Кукс.
Во наредните месеци се очекува поголем прилив на лица од Албанија во потрага по заработувачка во Гостиварскиот регион. Минатата година полицијата во Гостивар во повеќе контроли откри и депортира над 700 лица, иако се зборуваше дека реалната бројка е двојно поголема. Многу македонски државјани кои ги ангажираат лицата од Албанија да им ги извршуваат тешките занаетчиски или градежни работи обично успеваат при акциите на полицијата да ги скријат илегалците за да не бидат депортирани од земјава.
Гостиварските работници кои ја обезбедуваат егзистенцијата со работа на црно реагираат на конкуренцијата на своите "колегите" од Албанија, кои работат за двојно помала дневница. Во полицијата во Гостивар велат дека во наредниот период ќе ги интензивираат и редовно ќе спроведуваат акции во откривање странски државјани кои престојуваат непријавени и работат на црно и веднаш ќе ги депортираат во матичните држави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хезболах: Не сме за проширување на конфликтот со Израел, но ќе се бориме ако треба
Либански Хезболах не се стреми да го прошири конфликтот со Израел, но е подготвен да води секаква војна што ќе му биде наметната, изјави заменик-лидерот на Хезболах, Шеик Наим Касем во вторникот за ТВ Ал Џезира, додека судирите и непријателствата продолжуваат на либанско-израелската граница. .
Групата Хезболах, поддржана од Иран, разменува оган долж границата со Израел во последните осум месеци, паралелно со војната во Газа.
Меѓународната заедница стравува дека би можел да избие уште поширок конфликт меѓу тешко вооружените противници.
Насилството кое осцилира со месеци, ескалира во последните денови. Хезболах во вторникот објави дека втор ден по ред лансирал ескадрила дронови во израелската касарна, нарекувајќи го овој потег одговор на смртоносниот израелски напад врз Либан.
Заменик-лидерот на Хезболах, шеикот Касем Ал-Џазири, рече дека намерата на групата не била „да ја прошири војната“, туку да се бори ако конфликтот биде принуден.
Ова е најлошиот конфликт меѓу Израел и Хезболах откако тие влегоа во војна во 2006 година, а десетици илјади луѓе од двете страни на границата беа принудени да ги напуштат своите домови.
Европа
Кремљ: Многу земји сакаат да се приклучат на БРИКС, ние сакаме да се приклучи и Турција
Русија ја поздравува изразената желба на Турција да стане дел од групата БРИКС, изјави денеска портпаролот на Кремљ, Дмитриј Песков, најавувајќи дека ова прашање ќе биде тема на следниот состанок од тој формат.
Песков рече дека има посилен интерес од многу земји за БРИКС, група составена од Бразил, Русија, Индија, Кина, Јужна Африка, Етиопија, Иран, Египет и Обединетите Арапски Емирати.
Турскиот министер за надворешни работи Хакан Фидан во понеделникот ја започна посетата на Пекинг, што е највисока посета на турски функционер на Кина од 2012 година. Фидан разговараше со неговиот кинески колега Ванг Ји.
Запрашан за време на панелот дали Турција сака да се приклучи на БРИКС, Фидан во понеделникот одговори „да се разбира, зошто да не?“.
Европа
Девојка се извлече без гребнатинка од страшна сообраќајна несреќа во Италија: „Ја спасија куферите, беше полн багажникот“
Во судирот, кој се случи во Ливорно кога германски државјанин удри во наплатна рампа, три лица загинаа, а неколку се повредени. Меѓу нив има и девојка, чиј живот, според зборовите на нејзиниот татко, го спасиле куферите во возилото.
Во сообраќајна несреќа што се случи на 2 јуни на автопат во Италија, во близина на Ливорно, загинаа три лица, а неколку се повредени.
Тешко повредените се уште се во болница, а таткото и мајката со ќерката од Австрија велат дека „ги спасило чудо“.
Таткото за италијанскиот весник Тирено вели дека се спасени само благодарение на насобраниот багаж.
„Чудо е што ќерка ми нема гребнатинка и покрај скршеното задно стакло“, рекол таткото.
„Застанав во редот на патарина, платив, почнав да возам, одеднаш нешто силно не удри. Ќерка ми беше на задното седиште, стаклата се искршија, но беше неповредена благодарение на полна багажникот и куферите“, објасни тој.
Многу тешка сообраќајна несреќа се случила кога 61-годишен маж, државјанин на Германија, наеднаш „полудел“ и свртел десно, насилно удирајќи во патарина во областа Ливорно.
Тој и неговата сопруга настрадале на лице место. Покрај нив, загина уште едно лице кое управувало автомобил Хонда.
Меѓу повредените има и две деца на една и шестгодишна возраст.