Свет
Европскиот парламент го потврди договорот за дипломатска служба на ЕУ
Европскиот парламент денеска во Стразбур по повеќе месечни преговори го потврди политичкиот договор за формирање на европска дипломатска служба, која треба на ЕУ да и обезбеди поединствен настап кон светот
Европскиот парламент денеска во Стразбур по повеќе месечни преговори го потврди политичкиот договор за формирање на европска дипломатска служба, која треба на ЕУ да и обезбеди поединствен настап кон светот.
За да профункционира службата до крајот на оваа година, како што е предвидено, треба да бидат изгласани и финансиската рамка и промената на буџетот за 2010 година.
Службата треба да има околу 6000 припадници од кои 60 отсто ќе бидат од вработените во европските институции, а останатите 40 отсто привремени дипломати од земјите членки на Европската унија.
Дипломатската служба на ЕУ би требало да има 1.100 дипломати во 135 претставништва на унијата во светот./крај/хина/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.